Popular Bible Verses from FESUAKNA 12

Share

Kha zân ngêta khan Aigupta rama fe ki ta, sa le mihriam an rêngin nâilutîr kai chu that ving ki ta; khante Aigupta rama pathianhai chunga roirêlna intung ki ti. RENGPA’N ki iti a ni. Thisen chu nin ta hrangin nin omna ina irsinsiana ni a ta; khanchu thisen ki hmu’n chu nangni irkân ki ta, khanchu Aigupta mihai dûk ki thohai tena chu, nangni irhmangtir hrangin hripui ite lêng ta no ni.

Hi nî hi RENGPA’N sintho nangni inhriattirtu sakhua kût nin ihmang ngêt hrang a ni.

Khante, nin nâihaiin, ‘Hi sinthôna omzia hi i tihna mo a ini ta hrang?’ an hong ti’n chu, Nangni’n, ‘Hi hi RENGPA Ferkân irbôlna a ni, ama’n Aigupta mihai a that lai khan keini inhai chu a hong irkânpaia, Aigupta rama Israel irchihai chu a hong irkânhai a ni,’ la ti roi,” a tia. Mipuihai chu an lu an kûna chubai an mûk tâka.