Popular Bible Verses from THUHRILTU 2

Share

Ama lunginchuktu kuanga Pathian vârna, inhriatna chu a pêk ngaia. Khannisian mi sualhai chu Pathian lungdo sintuhai ta hrangin irchon an buk khômtirhai ngai. Hi khom hi chanlamboi chian a nia, thil korongboi chian a ni.

Mihriam ta hranga satak chu fâk le nêka raifân taka a ihmang hi a ni. Khannisian hi khom hi Pathian ata a nih ti kin hriat suaka. Ama boiin tu’n mo fa theiin, raifânna hmu thei a ta?

Khan, ki kutin sin a lei itho murdihai chu ki ena, kha thilhai thoa ki lei isôlnahai kha, irngai ta, khahai murdi kha chanlamboi le, milung sôlna vai a lei nia, misa hnuaia hin ite inlâpna rêng om ma.

Khan, ki mit irzuk murdihai, kha thilhai ata kha inthâ ma unga, raifânna chi tinrêng ata ki milung chu insumtir viat sa ngai ma unga, ki sin thôna murdia khan ki milung chu a sân a râi a fâna; kha kha ki sin sôlnahai rengata lômman a ni.

Khanchu, vâr hi inthim nêkin a sa ual angin, into nêkin vâr a sa ual tih kin hriat tâka.

Mi vârin chu a fena hrang an hriata, mi into’n chu inhre ma, khannisian mi’ntohai le mi vârhai mongna chu hmunkhat a ni.

Mi, vârna le inhriatna le theithiamnahai murdi leh sin a lei thoa, mi sintho viat loi kuanga ar chon hrangin a imâk pe hrang a ni. Hi khom hi chanlamboi le thil saloi tak a ni.