Popular Bible Verses from DANIELA 3

Share

Sadraka, Mesaka le Abednego haiin hiang hin an sâma, “O Nebukadnezara, hi thu hin nang kin i sâm nang khomin ite inhre ma unga. Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia. Khan ni no khomsian, o inlaltak ni pathianhai sin chu tho no ni ung, ni rângachak irlim siam khom chubai mûk no ni ung, ti hi inhre ro,” an tia.

Ama’n, “Irngai roi, mi minli anga meipui laia irvêlin na tuang viat loiin ki hmu, minlina inlang lam len vâng chu vântîrtôn hmêl irput angin a om,” a tia.

Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

“Khasikin mi tin, nam tin, chong tinhaiin Sadraka, Mesaka le Abednego-hai Pathian chunga thil saloi hril murdi chu sâtpai ni an ta, an inhai khom insiat ni an tih ti thupêk ki siam nôk ta. Ama ang dôra sansuak theitu pathian dang rêng rêng om ta mahai,” a tia.