Popular Bible Verses from Ninge 90

Share

Hausur mehet bia mehet na nes kilam bia ira numehet bung na nilon pai talona, waing mehet naga minonas.

Watong, no numehet God, i tahut bia nu kanakana ta mehet. Nu tar ira hunena ira pinapalim na lima mehet. Masa! Nu tar ira hunena ira pinapalim na lima mehet.

Hanunuhuan mehet ra malaan ma no num harmarsai nong pa na pataam waing mehet naga inge na gungunuama ma mehet naga laro ta ira numehet bung na nilon bakut.

U gate kis bia God ugu, tur leh menalua, katin, ma pa na pataam. Ing ira uladih baak pa ga hanuat ma pau ga bul hawaat baak no pise ma no ula hanuo bakut, u gate kis bia God ugu.

Watong, augu no numehet subaan bia mehet git lalon kaia, tur leh ta ira hintubu mehet menalua ma tuk katin.

Kanong u la nes tar bia tiga arip na tinahon i haruat mon ma tiga bung kaiken mon i patpataam, bia hoing tiga kumkumina pakana bung ra bung.