Popular Bible Verses from Ninge 139

Share

Iau pirlat ugu, kanong warah u gate gil iau ma ra gingilaan nong a mangaan at ie ma nong i tale bia da urur tana. I manga bilai saakit ira num pinapalim, ma iau nunure timaan at huo.

God, nas salok iau. Nunure no balagu bakut. Iau kalar dahin baak, iesen walar iau waing nugu palai ta ira nugu lilik. Nas ing bia ta mon magingin narako tagu i hatahuat ngunngutaan, ma lue iau ta ira tintalen ing na kis hathatikai.

Kanong warah, u ga gil hawaat ira sumsubaan narakoman tagu. U ga hii iau narako tano balana no pawasigu.

ira iruo mataam ga nes no palatamaigu ing pa di ga kaha baak iau. Ira bung bakut u ga puo tar wara utagu, u ga pakat kawase tar narakoman ta ira num pakpakat, mekarawa bia tikai ta kaike ra bung pa ga hanuat baak.

Watong, u te nes salok iau ma u nunure tar iau.

Uhe kaik i tale bia ni haan talur no Tanuaam? Ahe kaik i tale bia ni hilau pas ugu?

U nunure tar ing iau la kiskis napu ma ing iau la tutut naliu. U palai ta ira nugu lilik meram tapaka.

Ing mah bia iau pai tange baak tiga nianga, Watong, u te la nunure bakut tar bia asa ing iau ni tange.

U tikane timaan iau ing iau tur leh ira nugu hinahaan tuk taar iau kubaba baling, ma u la manga madaraas taar ta ira nugu kaba tintalen.