Popular Bible Verses from Ninge 119

Share

No num nianga a laam ie ta ira iruo kakigu, ma ra lulungo ie tano nugu ngaas.

Iau te suhe no num nianga narakoman tano balagu, kaik iau pa nigi gil tiga sakena taar taam.

Tiga marawaan na tale bia na balaure ira uno tintalen hohe, kaik no uno nilon naga takodas? Na tahut bia na lon murmur ira num nianga.

A haraidaan na kis ta diet ing diet pakile haruatne ira uno harpir, diet at ing diet sisilih tano Watong ma no udiet kidilona lon.

Augu no nugu subaan na munmun, ma no nugu bahbahit. Iau kis nanaho ta ira bilbilai tano num nianga.

Tar palpalai tagu waing nigi taram ira num harkurai ma ni mur timaan ma no nugu nilon bakut.

Hurusane no balagu tupas ira num harpir, ma waak bia ukatiga hono magingin na gumut.

Ing iau ga harsomane ra tamat na tinirih, ga bilai tagu, kanong ga hausur iau ta ira num dadas na harkurai.

No linge i habalaraan iau tano nugu ngunngutaan i hoken, bia no num nianga na kunubus i balaure bat tar no nugu lon.

Lue iau tano ngaas ta ira num hartula, kanong kaia iau ni silihe ira gungunuama.

Watong, hausur iau wara murmur ira num dadas na harkurai, ma iau pa ni sangeh wara tartaram kaike ra nianga.

A tapunuk i te ubal tar iau. Hadadas iau haruat ma no num nianga.

Iau la manga kalak tar no num harkurai! Iau lik mur ie tano kidilona bung bakut.