Popular Bible Verses from Apostolo 26

Share

Iau ni halangalanga ise ugu mekatiga ta ira num matanaiabar at ma mekatiga ta ing diet pai Iudeia. Iau tultule ugu taar ta diet wara paapos ira mata diet ma wara lamlamus ise diet mekatiga ra kankado tupas no palai, ma mekatiga tano dadas ta Sataan tupas God. Ma na ngan hokaiken ta diet waing God na lik luban se ira udiet magingin sakena ma na was halaka diet taar ta diet ing God gate hasasingen leh diet wara uno kanong diet ga nurnur tagu.’

Kaia, taman tut um ma nugu tur. Iau te harapuasa taam wara timtibe ugu bia nu gil ira nugu pinapalim ma bia nu tiga ut na hinhinawas ta ira linge ing u ta nes utagu ma ta ira linge iau ni hamines taam.

“Io, iau ga tiri, ‘Sige ugu, Watong?’ “Ma no Watong ga babalu, ‘Iau Jisas nong u hahelar tagu.

Io, Agripa, no tamat na lualua na gil harkurai, ga tange ta Pol, “Ai! U lik bia u haruat bia nu halawen hagasiaan leh at mon iau nigi tiga Kristian?”