Popular Bible Verses from Firifai 3

Share

Nanu naiyemuku, nae awoena gienabu meke Dawa ari eno me. Eno meroma nono i adina ukeka sineka yaisina medakuneke i awoena Yesu Kerisonu daabaro bunama imusu ari uke anaada i gienabu ibeka mumane ukakune. I awoena Yesu Kerisonu daabaro bunama imusu ari uke durame anakuneba I Godima iyabake Yesu Kerisobairo we bou ui i moko mumane duramakuneba ane urero famauie i moko idua mumau.

Enoba nanu ararae Yesu Keriso iwokabu simake Danu feareroma uyareka buna iwoka umake enaenari feamake nono uyamane ibake Yesubairo dakaa uke ibaada Danu wauri oferi enaenari waurada i adina merama imukeka medakune. Nanu ararae Danu fearike uyari enaenari nae feamake uyamane ibake weakune.

Nae Yesu Keriso imue ibake ima nanu adina merama imukekaini ukeka sinekaini i yaisina ma berekakuba ibake nae Yesu Keriso imumane ibake i Nanu adinaro ukeka sineka yaisina me sara kekeu ariya eno we imukakune.

Nono awoenae nanu adina imukeka ari eno me, eno we imukakuneke nono nanu arara Yesu Keriso imumane ibake nanu adina ukeibisara merama imuke mede.