Popular Bible Verses from Iburu 10

Share

Moi orouma guriguri ufisanebake fare ku siane dakaisa enaenari da ufeke iyanu fare ku sianekabai da medifene weakune. Yesu Kerisonu fafeku odo idua fafine ukakuba ibake iyanu imukeka ma buna uke makafene weakune.

Iyanu iyanu imuke makafeke unu kore makafeke imukari uke makafeke irauaiai mane ukeifene weakune.

Iyama Yesu Keriso imukenewaa ufene weakune. Godi Danu wakeye ba. Danu imukeka ure owere ma owere da ufekuke Dawa aneme wefekuie enaenari ufeku ibake Yesu Keriso imukenewaa ufene weakune.

Yama owainanaku ufoisaie Godinu arara mane ufoisake Danu we bou ui eraerabusa yaisina mufoisa.

Iyanu dai ofereni ode sibore sianeka Mima Godinu uwara yawokakuba ibake Godibairo anifene weakune. Iyanu imukekae gienabu imukada iyanu imuka yaisina Godibairo idua oisi. Enoba Yesu Kerisonu iwama iyanu merama imuka uroike iyanu merama imuka ma irau uiro imuka merama imuke dakaisi. Ibake Dawama iyanu ofe amearubu aduama uroiro ibake Dawa imukenewaa ukaisi. Dawama eno uiba iyama Godibake ia da sifeke Dawabairo gienabu anifene ibake weakune.

Ia da siaweke enare ara uawe. Ia da sifoisake enare ara ukaada buna ufoisaie Godinu irau me makeka moko mafiakuro mufoisa.

Nanu wake wemaro ya nauawe. Iyae Godinu ba wake naukadama nono iyanu arara ukaisike meramawere ukaisiie i meramawere ukekabake moi ofereni odeka ibe me. Moi ofereni odekabai ibe me ibake i bunawere kodo urekabake ia iyafene weakune. Aina ainama Godini wasai ufeisaie Godima dino daiwere ufekuro inaama emua yare ma merama ufiaku.