Popular Bible Verses from 1 Dimodi 6

Share

Anu imukeka daiwere sifiro seidanini aine wai ure uraneka ari ukeibia. Ama emebairo nae Godi imukakunea wei ibake Godima abairo me ibene ibene ibeka mamine we mune odiai. Enoya i me ibene ibene ibeka mamenewaa ua.

Anu arara oi mane mufane ufakuie i oi muneka araranu ukekae i meramawere ukeka yaisinanu ubi. Moi orounu ararae oi muneka maneba ibake emenu Godi imukeka imuke medaisa. Emuae eno ukaisaba warima abu yanakeibaku i ari emenu ba me merama ukeka ima emenu imukaro yanakeibaku ibake imuka merama mane imukeibaisa.

Abo mi dawae eraerabusa keuwere mi? Ainama urane rarane mero Godi mane imukada irauaiai ibakuie dawa eraerabusa keuwere mi ari eno.

Iyanu amaemukuma iya doisaro yewa orofaroma eraerabusa waureroma fare da uisiba nono iya feafeisiie eraerabusa da waure anifeisi.

I eraerabusa keuwere bobo oroubairo wake eno wefaro naufisane weakune. Eraerabusa keuwere bobo orou fukeru da uaweke i awoena ibinu oi wairo me sifeku ibake i da imuaweke Godi Dawa i eraerabusa yaisina makakuniro munaisi enoya Godi mane imuawe.

Moi orouma emenu ararae oi daiwere mufisane ibake meramawere ukaisa. Emenu meramawere ukekama emenu imuka ma merama ukakuba ibake i orouma meramawere imukaisake me sarawere ukaisaba ibake i feare dakaku inaaro anifeisake iro me ibene ibene ibifeisa.

I orouma irauaiai ufisane weakune. Emenu irauaiai ukekae i ari eno ufisa, eraerabusae i erabusa me oroubairo naka naka ufisane weakune. Emua eno ufeisaie emenu dubuena kai fafeku odoro sabu uke bou ufeisake i ba ibeka i dawa i me ibene ibene ibeka mufeisa ibake eno wearo naufisake enaenari ufisa.