Popular Bible Verses from NUJAOYABA 8

Share

Sin masniyaba khebo khru ba jang gontha gejer lai nokhasao de siri siri ja ba.

Degla sagangthao boni bibul khe damba, gidithai jang wai, thijao jang gibringyaba baigo phai hi, bokhe phirthi ha dangkhla kha; phirthi phantha tham saikhao hi phantha si kham thar kha, boha gakhrangyaba buthubo khrip kham thar ba.

Boha ang naiha bade, nokhasao gejer ha daoling birbai hi khurang bol jang edehe thiba khe ang khna ba, Sorgo ni degla gibin gatham bonsi ni bibul khe dam ba jang phirthi ha dongyarao ne khlai hi bubain risi bi dou! Bubain risi bi dou! Bubain risi bi dou! thi hi bo jirikkhao phai ba.

Sorgo ni degla gniyaba boni bibul khe damba, boha ning hading gedeba lai kham hi sagor ha bokhe dangsing ba.

Sorgo ni degla gathamyaba boni bibul khe dam ba jang, sathrai gedeba, waimijing lai jing hi sorgo ni phrang, dikhong buthu phantha tham saikhao hi phanthasi ni basao ha ode dihmu buthu ni basao ha ning bo graiphai ba. Bo sathrai ni bumu de Khayaba se. Bo ning dih khe phantha tham ha phantha si saikhao hi phantha si khe bo dikha ri hi, bo gabang khah kha bani, bo dih khayaba hathan ni subung gabang ning thih kha.

Sorgo ni degla briyaba boni bibul khe dam ba jang, sain khe phantha tham saikhao hi phantha si, dain khebo phantha tham saikhao hi phantha si ode, sathrai buthu phantha tham ha phantha si khe hamya khlai ba, odehe, jnama buthu khe phantha tham ha phantha si saikhao hi bonsi andar khlai jao ba, sainbo phantha tham saikhao hi phantha si andar ja hi dong ba; olei jasosi ning horbo phantha tham saikhao hi phantha si andar japha ba.