Popular Bible Verses from NUJAOYABA 6

Share

Boha ang naiha ba ha, gorai gibin ang nu ba; boni basao ha gayaba ni bumu de githi se, odehe githi ni nolei ni phrang boni yaohon rikpha du. Seng, asari, limthai, mih sogo buthu khe bo yaowai hi sthai mani khlai hi, bonsi ne phirthi ni hathan grongbri ronphai hi hathan masi ni basao ha bonsi hukhum ri ba.

Boha ang naihaba de, ani sagang ha ning gorai guphu ang nu ba. Boni basao ha ga dada bla di hi, bo ne bonsi raja ni krothu ri hi, de mane ar depha lang mani khlai hi bo baigo lang kha.

Odehe, sin mabowayaba khebo khru ba jang, khapra bakhla ha ning Madai ni grao ni khlai hi ode bonsi mani du thi hi sakhi riyaba grao ni khlai hi sthai jaoyarao ni bese khe ang nu ba.

Bonsi ning khurang bol jang, O Raja dedaothaoyaba, subung gathar ar subung gibiyaba, bakhali phirthi ni subung buthu ni basao ha bisar khlai hi jini thijao ni baslai khe jinthane bakhali la ri ma kho? thi hi bonsi jirik khao ba. Bonsi de gainsari guphu sao phorong rijaoyaba se, bonsi ni dangyasa lugurao ode bonsi ni daphlungrao, bonsi lai jasosi ning sthai jaoginyarao khe phura sthaiblaiya si de phirik phirik lenggo mane bo sani ba.

Boha ang naihaba ha, gibin gorai gajaoyaba, bo baigo phai ba; subung buthu khe sthai phuma ni khlai hi, boni basao ha gayaba niha thih ba, phirthi ni phrang milima se phuyaba grao bo ri ba, ode seng gedeba khebo ri ba.

Bede thikhade bonsi ni thamsi basain khinthao thaoyaba sophai kha; odebani boni sagang ha sere dukhu suiphu nang? thi hi bonsi jirikkhao hi long ba.

Sin madohyaba khebo khuru ba jang, ang naiha bade, banglama hamsi ning rao hi smao phai ba. Sain bo migur ni rih gisim lai gisim japhai ba, ode dain bo phura thijao lai gajao japhai kha. Odehe, nokhasao ni sathrai buthu baryung jang thaikhrao phang khe smao hi boni bathai gathang buthu bo smao hi garaiba lai jasosi hah ha garai thar ba.

Sin mathamyaba khebo khuru ba ha, hang gnang mih mathamyaba, Phai lah thiba khe ang khna ba. Boha ang naihaba ha, ani sagang ha ning gorai gisim ang nu ba. Boni basao ha suyaba khe bo di du. Odehe, hang gnang mih mabri buthu ni bising ni phrang baigoyaba khurang lai jadu, Sain si ni yaowai jang maijilam hersi, sain si ni yaowai jang gonghu hertham, thikhabo grep bidi jang thao khede hamya da khlai, thiba khe ang khna ba.

Nokhasao de laisi bajab thonba lai thon hi, gma lang la kha, ode hading hahgojo khrip khe bonsi dongyaba hathan ni phrang jamthar si disai thar kha. Odebani, phirthi ni rajarao, subung gedebarao, siphaiya ni hoja gedebarao, subung gnangrao, subung dangba blaiyarao ode, jadi jadi subung, leng jang leng niyayaba bo longkhip buthu ha ode hading ha, longthaima buthu ha mithim hi bonsi thim ba.