Popular Bible Verses from NUJAOYABA 11

Share

Sorgo ni degla sniyaba jar ni bibul khe dam ba jang, sorgo ha bol jang jirik khaoyarao, Habsao raji ni raji de jini Gabra jang boni Krista Raja ni raji ja lang la kha. Bo se jug jug bisar khlai ma! odehe bonsi thi ba.

Jadi buthubo thamsi baigo kha, odehe, nini thamsibo sophai kha, subung githirao ni basao ha ning bisar khlai khali sophai kha, Nini dangyasa, gorasalirao, subung gatharrao, subung gedeba-khasiba, khrip nini bumu khe man khlaiyarao ne, yaosandi ning rima ni bubli ode, phirthi khe hamya khlaiyarao khe ning hamya khlai mani bubli sophai kha! bonsi odehe thi ba.

Odehe, ani grao khe mithi phayaba gini de, grao thida phu mani khlai hi ang raothai ri nang, ode rih miyao duduyaba khe phin hi basain jang rjing jhigin bisatham sosi bonsi grao sainthi ma se, thi hi bo a ne sainthi ba.

Bedethikhala, saintham gejer ni yaohon ha Madai ni phrang hayu hang khe bonsi ni bising ha hapsing hi, bonsi jar ni igah jang bonsi songkhu kha, ode bokhe naiyarao hamsi ning khinlai kha.

Ebo grao buthu khe thi bani bising ha hadi haya mani khlai hi nokhasao khe phrao phuyaba raothai bonsi niha dong, thijao ja rima ni khlai hi dih ni basao habo raothai bonsi niha dong, bo asaba bubli habo nangjaoba lai phirthi ni basao ha yao sugu hi khrip jadi biyaba didao riphuyaba raothaibo bonsi niha dong.

Ebo buthu de, Oliv buphang phang gin ar thaophari dengthan boitho magin, phirthi ni Gabra ni sagang ha songyarao se. Bonsi khe sere dukhu rima bao du, bonsi ni bukhuh ni phrang wai baigo phai hi, bonsi ni sotrurao khebo saokhrip ma se. Sere bonsi khe dukhu rima baoba lai bao du, olei jasosi ning bonsi sthaijao ma se.