Popular Bible Verses from PHILIPPI 4

Share

asaba habo khah waimu da nang, asaba khe bo Madai bi dada ode sain hi nisi jinis nangyaba buthu khe, khajama ni grao thi dada, Madai niha khna ri la thing.

Odese, Madai ni shanti, khasu ha thiso phuya si nisi ni khah ha ode nisi ni baothai buthu khe Krista Jisu ha nisi khe bo raokhi hi deng ma se.

Odebani daphlungrao, yaohonthao ha, asaba grao gibi ja thing, ode man gnang ja thing, ode hamba ja thing, ode majangyaba ja thing, guju baojaoyaba ja thing, ode grao hamba sainlaiyaba ja thing, asaba majangyaba ja thing, asaba khebo bakhan khlai hi dongyaba, bo jinis buthu khe khah ha deng lah.

Bo ang khe rao riyaba Krista ni khasaoma jang khrip ang dangphu kha.

Gabra niha nisi nalaibo khaja lah, ang thiphin du kho, khaja lah.

Ode, ani Madai ning Krista Jisu ha boni muima bang ba lai ning nisi khrip jadi nangyaba khe nisi ne bo ri nang.

Ani phrang nisi slingyaba buthu ode nisi ajaoyaba buthu, khnayaba buthu ode nisi nuyaba buthu khe dangso pha lang lah, odese shanti ni Madai nisi jang baosi dongpha ma.

Nisi ni khahlaoma khe khrip subung nu thing. Gabra de gabasi ning dong

Dukhisa ni dongthai khebo ang ring kha, gnang ni dongthai khebo ang ring kha, khrip jadi jinis ode, khrip jinis ha khusi ode hukhri jaoba ni dongthai, gnang jang baojoyaba ni dongthai ni grao dengkhaoyaba khe ang ring kha.

Ang baojo bani grao khe thidao ba niya, ang de esalai dong lakha bo khah ha jajao mani dongthai khe ring kha.