Popular Bible Verses from Pilipai 2

Share

Geya'abwa wanuwanuwa hane, nuwana wahehe'ipi'ipi, ma hesi wanuwasulu ma 'iyamiyao sanidiyao wagilagasidi. Ma geya'abwa waboi 'imi paihowa weyahina wanuwanuwa, ta hesi 'iyamiyao 'idi miya bwebwe'ana weyahina wanuwatuhu.

Cilobwainegomiya ma 'imi nuwatuhuwao Yesu Keliso 'ina nuwatuhu gidemusa.

Yesuina Yehoba, ma genuwana ma 'ihetoloina, ta hesi Yehoba 'ina wasawasa 'i'ebesineya, ma 'ili'uwa bale'uwa eema 'iheloheya masiha, hewali 'aigeda gidemusa. Ciheloheya ta 'inuwasuluwa eeta 'itagwaleya 'iboinamo ta 'i'amasa kelose 'oina.

weyahina Yehobaina 'atemiya 'ihetahetapewa, ta 'abehega tauna 'ina nuwatuhuwega 'omi wanuwanuwatuhu ma wapaipaihowa.

Coinega Yehoba Yesu 'i'abihaneheya, ma wete sanina 'i'abihaneheya sani mabwaiyana tabwanidiya, ta 'oinega tauna sanina weyahina megalewa ma mebale'u ma wete to'amasao eema mabwaiyada ta'etuluha 'oina, ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Eema 'imi paihowa 'oidiya ma'imi tagwala wapaihowa ta geya'abwa ma'imi lowahi'wata walolomugi, ma hesi 'abehega 'omi Yehoba natunao bwebwe'ami ma 'ehaumi, ta geya wete 'imi galamo ma mebale'u 'idi mayale 'omi. Weyahina taudi 'idi mumuga guguyou ma galadi.

Ciyagwao 'omi hematamatana lamuna. Mwalo mataguwa wahematamatana, ta bewa tuwa 'oimiyega yamiya bwaga, ma tuwa 'abwa wahematamatana moisa. Coinega 'ilobwainegomiya ma Yehoba wamataute ta wete watoho waiwai ma 'ina 'abihetena waloba