Popular Bible Verses from Epeso 6

Share

Weyahina 'ida lo'aleha geya tomota mahetedao, ma hesi toloina galadi ba'idadao, taudi guguyou bewa tuwa bale'uwa 'adi toloinao, ma galewa 'ana yaluyaluwao galadi.

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi

ma Yehoba 'ina tobwatobwa 'aleha mabwaiyana 'oidiyega wa'otena, ma 'oinega geya'abwa wawe'awe'a tutaina 'eguma Tomudulele 'i'abowegomi.

Bewa weyahina Yehoba 'ina tobwatobwa 'aleha mabwaiyana wa'otedi, ma 'ane geya'abwa wawe'awe'a 'abwa tuta galana 'oina, ma 'oinega ma'imi waiwai watoholo pa'ala.

Ma wete 'imi hemisa gide 'imi lobodaboda 'oinega wa'ausigomi, beno sawasawahina Tomudulele 'ina 'aliliya waiwaidi 'ihabodebodedi. Wete 'ami 'abihetena wa'ewa 'abehega debami 'adi 'ahubodaboda, ma Yaluyaluwa Tabuna 'ina 'elepa 'aleha wa'ewa, beno Yehoba 'ina gwae.

Coinega watoholo ma he'ita moisa walogadiwane ma lumalumami wa'ausidi mumuga dumwaluna 'oinega, ma 'ami butu wa'ote beno nuwa daumwala tetela bwebwe'ana 'oinega walobodabodae.

Ciyagwao, Bada 'ina waiwai madounega wahewaiwai

Wete, “Tamau ma sinau 'uhe'asisiyanedi.” Bewa loinaina nugenugetaina ma'ana gwae hemisa 'ana tohematamatanao weyahidi, bewa gidemusa 'igwaeya, “Cebe yaliyaya 'uloba ma bale'uwa 'umiya saliyana.”

Comi gwagwama 'ilobwainegomiya ma sinamiyao ma tamamiyao 'idi gwae wahematamatanedi, Bada matana, weyahina bewa 'oinega 'abehega wamumuga bwebwe'ana.