Popular Bible Verses from 1 Kolinita 12

Share

Ma Yaluyaluwa Tabuna 'ina 'ehele 'aigeda 'aigeda 'oida beno mabwaiyada 'ada lema weyahina

Coinega 'aigeda 'aigeda tauda Keliso yahunao

Weyahina 'eguma yahuda 'aigeda 'imuya, beno wahida mabwaiyana simuya. Wete 'eguma wahida 'aigeda ma'ina yaliyaya, beno wahida mabwaiyana siyaliyaya.

ta hesi hagadi, weyahina loheya 'aigeda 'ana heguheguyai nuwatuhu, ma 'aigeda sanapu, ginaula dahwadahwaina weyahina, ta 'aigeda hemisa, ma 'aigeda to'abi hebwebwe'ana, ta 'aigeda ginaula 'ebe nuwahenainaida 'ana paihowa, ma 'aigeda Yehoba 'ina nuwatuhu 'ana palopisai, ma 'aigeda yaluyaluwao 'adi 'inana 'abehega bwebwe'ana bo galana, ma 'aigeda wete hali 'enana 'oidiyega 'ihegwaegwae, ta 'aigeda wete 'enanaedi 'ana tobui.

Heguheguyaiyedi Yaluyaluwa Tabuna tauna 'ana hesinuwa, ma 'iheguheguyai 'aigeda 'aigeda 'oida, ta 'i'ebwaegita ma gide tapaihowa 'ese.

Ma 'oinega sahena wataha 'ilatulatu wahida yahunao 'oidiya. Ma hesi mabwaiyadi sihemahemahetena ma mabwaiyadi sihelemalema 'idi paihowao 'oidiya.

Yaluyaluwa Tabuina 'aigeda tuwamo, ma hesi 'ina heguyai 'oida hagana ma hagana. Cida Badaina wete 'aigeda tuwa, ma hesi 'ina paihowa tapaipaihowadi hagana ma hagana, ma lamudi 'aigeda tuwamo, beno Yehoba, weyahina tauna 'ina heguyaiyedi 'adi paihowa 'i'abihe latuwediya.

weyahina 'ida paihowao hekalesiya 'alona hagana ma hagana. Yehoba 'iheguyaiyediya 'oida, nugeta tauma Keliso 'ana tohepwailao, ta muliyetega palopitao taudi Yehoba 'ina nuwatuhuwao sihehepwaile nugete, muliyetega tohe'itao, ma ginaula 'ebe henainaida 'adi topaihowao, ma to'abi hebwebwe'ana, ma to'abihetenao, ma tohanugetao, ta taudi hali 'enana 'adi tohegwaegwaeyao.

Eeta wahi yahunao geya 'aigeda, ma hesi baibaiwadi hagadi ma hagadi.

Ta tupwadi wete wahi yahunao 'adi 'ita gide we'adi, ma hesi 'idi paihowa madouna wahi 'ana lema weyahina.

Weyahina 'eguma matamo beno geya sawasawahina ma 'ihesagoha, ma wete 'eguma tenamo geya sawasawahina ma mahai 'iniso, ta Yehoba bewa gide 'inuwatuhuya ta yahu baibaiwadi 'idi paihowa 'i'ebwaediya. Weyahina 'eguma yahu 'aigeda tuwa, beno geya wahi mabwaiyana.