Popular Bible Verses from Jemisi 1

Share

'Ene vwehu nune hami vwihane nirisa'avara. Vea ka'ene ja venakia ani ani'ina piuni'avari vajijaho temarasa'avara. 'Ene ja nihejura. Joni nimairoiji vene kivujara reju'e kisina rene hina va'ura.

'Enakaivo ja ea irara vwiha mamaiji pa'ana'e rena'amajaho maka'eje hu Godi ka'ene iswasiniji jarivakame Hu teama'eje ma'amana.

'Ene vwehu nuna ka'ene na oja mihi'inakije ja ikaho niheji'ina. Ja ea kwinu kwino mamako hami he'avara kaivo marako pa'warame 'ee pa'ajinavi'ina'e re'avara.

'Enakúne veje kirasahe va'ujaho roe emarene areri rene para'amana. 'Ejakame ja niho'o emarene areri renae paranareje unenua 'aho'a papivuhuna.

'Enakaivo ja ojono papisiva'arame vu'aru heji'inaru pare'avara kaivo ira iraka ka'ene ja hejajija hene veji'ina'e re'avara.

Ea ka'ene venakia hari majamano kirana va'amajaho Godira merajahuna. Ijihuna'e hu nimaa'e kirane va'ana'e re'amajaho hu majama hihuni i'esa ka'ene natohwijara ea ka'ene Hu oja mahuji nahama 'waramajaho apehuna.

'Ene uneunecha maho'o mamaa 'ee swara arira mamaijija ichutoi hanaji'ini jihipuni Omijihuna'i rene roura. Hu pata'arohe ani ani'ina rene 'ee Hu areri nihapo ikehikehi niha rena va'a va'uja'ina pana.

'Enajihuna'e ea irara Godoni iriji heji'ina'e re'i kaivo paveji'ina'e re'amajaho hu areri ei pini huni niura mane'a vaji kasaramu ja'ina'e venuna. Ijihuna'e vea ka'ene hu ori kasarama hi'eju'e hu ea ichá'inijaho ruvu'e pa'arenu ja'ina'e venuna.

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

Ea pina'e siseijara vena ka'amajaho hu paka'eje ijá 'iama Na Godira vena kimana 'iama. Ijihuni maijaho Godiho areri sisea pa'eke ea vena kimuna. 'Ene Hu Huhusu sisea pa'eke ea vena kimuna. 'Enakaivo ea kwinu kwino vena kivujaho vea ka'ene hura sisea iraka ka'ene itumujara tairia vau'e sisea venuna.

'Ene vwea nuna ka'ene pivuji'i hinujaho Godira hu aromahuni jihuna'e mari'uvi'i hinama.