Popular Bible Verses from Epasasi 6

Share

Ijihuni maijaho nú ea haha rukina 'ee 'aa rukina pu'úmo nana pa'eju. 'Enakaivo 'ajoha'ina 'ee harura 'ee harura nutuvi'ina ka'ene iki mwe'i hijura 'ee 'avena sisesa ka'ene ichutoi hijujihi pu'úmo nana'eju.

'Ene na'ia mapoka'e siporua 'ojuri veijaho 'Avena vaji 'o'avara. Na'ia mapoka'e nia nirii'i siporua ea ka'ene nimaa roji'ini jihipuna'e 'one ihajinanami'avara.

'Enakúne Godi oni kukua ka'ene nana'e'irono savujino maho'o sa'avara. 'Ejakame ja Setanira pisimisamuni 'unamijija areri kisina'e rene namihuna.

Ijihuni hahi Godi oni nana'ejuri kukuijino maho'o saha. 'E'irakúne vea ka'ene vea sisea kajara ape'amajaho ja ijihuna vaji rarara'avara. 'Ene ja uneunecha maho'o ve'ava jihuna'e ja areri kisina'e rene namihuna.

'Ene ikehuni pwina ijaho tarera ka'ene nimairoiji ape'irakúne Setani oni juha ka'ene jaijasahe roujija iji 'aniku'avara. 'Ene i'esa ka'ene marani'inijino same 'ee 'Aveni jihuni so'wijaho Godi oni irijinakúne ape'avara.

Ja ika'ina'e ve'avajara reje ja areri kisina'e rene namihuna. Joni 'aha mo'oa charia ka'ene nimaijino irame 'ee joni túra ariramaijino vahanaha. 'Ene joni umora ira maiu'ina ka'ene matausahuji saha.

'Ene vu'a túchamaa ijaho ikena. Natohwi jihuni harura ni'ima'ura vajijino kirasahe para'avara.

'Ene oni omiji'o ohiji'u puni hura hami ve'amana. Ikaho varapa amura ka'ene eha mihuna'e nahama 'waramajina. 'Ejakame oni hia mamaa'e reje a 'aha jora'e iki mwe'i hina vahuna.

'Enajihuna'e sesamae Natohwi jihuni vaji emahu jopuni ira hene veha. Ijihuni maijaho ijaho 'unama aririjina.