Popular Bible Verses from Pilipus 4

Share

Woy kono now kasasawi ka agad nokoy. Di ampu kow ro to Magboboot woy buyua now kandin ka mgo og-awoson now. No ko og-ampu kow, iglagkos now ro ka pogsayo now kandin.

Ko sikan ka oghimuon now, ogkannugunan now on ka goinawa woy ka mgo doromdom now oyow waro ogpakatagu no igkasasow now su ogkasagboka kow ki Hisu Kristu su ogkabogayan kow to Magboboot to maawang no goinawa now no kono ogkasabutan to duma no mgo otow.

Kuntoon mgo sulod ku, soini naan do ka mouri no ig-udling ku kaniu. Ungod now ogdoromdomon ka tibo no maroyow woy ka agad nokoy no litos no igkasayo ta unawa to: agad nokoy no tu-tuu ian, woy ka ogtahuron ta woy ka mgo batasan no maroyow woy ka waro solug no maroot woy ka litos to igkarago ta woy ka oglitos no igkabantug ta.

Agad nokoy ka ogkabayaan ku su ogbogayan a ni Hisu Kristu to kanokalan ku no ogligkat to kabogbogan din.

Tukow kow ungod su nasagboka kow on to Lagboy no Igbuyag tanow no si Hisus. No oghutuk a no ognangon kaniu, to oyow ogtukow kow.

No ligkat to dakol no igkaratu din, songo ogbogayan kow to Magboboot to tibo no og-awosonon now su nasagboka kow on ki Hisu Kristu.

Unugi now ka mgo hinimuan ku no nigkita now, nigdinog now, woy ka nigtuuan now no ingkaanad ku kaniu. No ko sikan ka oghimuon now, ka Magboboot no ogpakabogoy to maawang no goinawa, ungod ogduma kaniu.

Og-awoson no ogkohoy-uan now ka tibo no mgo otow su marani on ka poglibong to Lagboy no Igbuyag ta kai to tano.

Agad doisok woy ko dakol ka ogkapurut ku, di natagaan kud ko ogmonuon ku to og-ugpo. Ko dakol ka ogkakoon ku woy ko oggutasan ad, ko ka ogkapurut ku, ogsubla to og-awoson ku, woy ko kono no litos di natagaam ad on.

Ka soini, kono no ignangon ku kaniu to kono no litos ka pog-ugpo ku su natagaam ad to agad nokoy ka pog-ugpo ku no ogmaroyow ro ka goinawa ku.