Popular Bible Verses from Episu 5

Share

Nò, sikaniu, anak kow on to Magboboot no indakoli rin to goinawa. Sikan ian to og-awoson to og-unugon now ka mgo batasan din. No to tibo no oghimuon ta, iglagkos ta to igdakoli ta ka duma ta to goinawa. Ian su og-awoson to ogkounawa kinow ki Kristu no songo indakoli ki to goinawa rin no imbogoy rin on ka kandin no lawa to oyow ogkohimatayan no igpangabang kanta. No ka sikan, ian ogkounawaan ka moomut no ogtutungon no igpanubad dio to Magboboot no igkarago din.

Sikan ian, mgo sulod, og-ayad-ayad ki to mgo batasan ta oyow ogkounawa ki to mgo otow no duon katagaanan. No kono kid ogkoiling to mgo otow no waro katagaanan to sikan no tu-tuu ian no nangnangonon tongod ki Hisus. Tagood to duon pad liwak ta, ungod ki oghimu to maroyow su mohon-ing ka mgo otow no oghimu to maroot.

Kono kid ogpalasinglasing su ka sikan, ogpakaraat kanta. Di og-awoson atag to, ka Gimukud to Magboboot ka lagboy no ogboot to tibo no oghimuon ta. No to mgo tod-om, woy to mgo ulaging, woy ka mgo kanta, igpanangnangonoy ta ka mgo Salmo no ingkasulat dongan, woy ka kagi no ogligkat to Gimukud to Magboboot no igpatagu to goinawa ta, woy ogsayoon ta ka Lagboy no Igbuyag ta no ogligkat to igdakoli ta sikandin to tibo no goinawa ta. No agad nokoy ka ogkabayaan ta, ungod ta ogpasalamatan ka Amoy tanow no ka Magboboot. No og-awoson to, ka pogpasalamat ta, ogligkat to pogsalig ta to ngaran to Lagboy no Igbuyag ta no si Hisu Kristu.

Sikan ian to kono ki oghimu to waro pulus. Di og-awoson to ogpoomot ki to og-anad to oyow ogkatagaan tad ko nokoy ka ogkoiniatan to Magboboot no oghimuon ta.

Sikaniu no mgo lukos no duon on asawa now, igdakoli now ka asawa now to goinawa unawa ki Kristu no indakoli rin to goinawa ka mgo otow no ogtuu kandin. Woy imbogoy rin ka lawa rin to oyow ogkohimatayan on no igpangabang kanta no mgo makasasalo.

Ian su nokani, nig-ugpo ki pad to kausiloman. Di kuntoon, duon kid on to kaawangan su nohimu kid on no mgo sakup to Lagboy no Igbuyag ta no si Hisus. Sikan ian to og-awoson to ogmaroyawon ta mgo batasan ta oyow oglitos ka poghipanow ta dio to dalan to Magboboot no maawang.

Nò, mataltahuroy kow tibo su duon pogtahud now ki Hisu Kristu.

Mgo boi no duon asawa, ipariralom now ka goinawa now to asawa now unawa to igpariralom now ka goinawa now to Lagboy no Igbuyag ta no si Hisus.

Di duon dod igpasabut kaniu no mgo patalaalunggun. Ian su og-awoson to tag sagboka no lukos, igdakoli rin to goinawa ka asawa rin no og-unawoon ka igdakoli rin to kandin no unoy no lawa. No ka mgo boi no duon on asawa, og-awoson din to ogtahuron din ka asawa rin.

No sikan ian to duon ingkasulat to kinagian to Magboboot to: “Omunaan to og-awoson to, ka lukos, ogluwat to inoy rin woy to amoy rin no ogkasagboka on to asawa rin. No ka sikan no daruwa, ogkohimu on no sagboka ro no lawa.”

Di tongod to mgo batasan no waro pulus no oghimuon to mgo otow no dio dod to kausiloman, kono tad og-unugon. Di igpapitow ta atag to maroot ian ka sikan no mgo batasan.