Popular Bible Verses from 2 Kurintu 9

Share

No ogkohimu to Magboboot no igbogoy rin kanta ka tibo no og-awoson ta. Di ka igbogoy rin, ungod din ogpasublaan to og-awoson ta to oyow duon dod litos to igbulig ta to duma ta ko duon og-awoson dan.

Di tag sagboka now ka ogboot ko songo monu ka igbogoy now, su og-awoson ta to kono ki ogpakasondit ko nokoy ka igkabogoy ta su oyow kono ogkoiling to ogkapogos so goinawa ta. Ian su og-awoson to, ka igbogoy ta, dio ogligkat to maroyow no goinawa ta. No ko sikan ian, ogkarago ka Magboboot kanta.

Mgo sulod, doromdoma now ka soini no pananglitan. Ka otow no ogpamula to malintok do, songo malintok do ka ogkagaani rin. Di ka sikan no otow no ogpamula atag to dakol, songo dakol dod ka ogkagaani rin.

No ka Magboboot, ian ogbogoy to boni to mgo ogman-oorok woy songo ogbogoy to ogkakoon ta. No sikandin dod ka ogbogoy to dakol no igkabulig din kanta oyow songo ogkatimulan ka igkohoy-u ta to duma ta. No ian ogkounawa to ogtimulan din ka igpamula ta no boni oyow dakoldakol ka ogkagaani ta to maroyow no batasan. Ka Magboboot, ungod ogtimul to kaniu no pog-ugpo to agad nokoy no allow, oyow mabogoybogoy kow to mgo otow no duon og-awoson dan. No ligkat to sikan, mohon-ing ka ogpakapasalamat kandin ko ogpakapurut sikandan to sikan no igpaalap now kanami no igpabulig now kandan.

Ogpasalamatan tanow ka Magboboot su imbogoy rin kanta ka Anak din no si Hisus. No ka pulus to sikan, kono ogkasool.