Popular Bible Verses from 1 Tisalunika 5

Share

Ungod kinow ro ogkarago. Ungod ki ro og-ampu to Magboboot. Agad nokoy ka ogkabayaan ta, ungod ta ro ogsayoon ka Magboboot su sikan ka imboot din kanta no nasagboka ki Hisu Kristu.

Ka Magboboot ka ogmaawang to goinawa ta no ogbuyu a to oyow tiboon din awaa ka agad nokoy no maroot dio to goinawa now. Woy ogbuyu a to oyow igpanagana rin ka lawa now, ka goinawa now, woy ka gimukud now to oyow litos ka tibo woy to waro salo now ko oglibong ka Lagboy no Igbuyag ta no si Hisu Kristu kai to soini no tano. Ka Magboboot no nig-abin kanta ka ogtuman to soini su ogkasaligan tad.

Ko duon ogbogoy kanta to maroot, og-awoson to waro agad sagboka kanta no ogsuli to songo maroot. Di og-awoson to ungod kinow ogsumansuman ko ogmonuon ta to oyow oghimuon ta ka tibo no otow to maroyow, ko duma ta woy ko kono no duma ta.

Sikan ian, ogmoos-osonoy kow woy ogmabubuligoy kow oyow ogdakolon ka pogtuu now tibo unawa to kuntoon no batasan now.

Mgo sulod, ogbuyu koy kaniu to oyow og-udlingan now ka mgo otow no pogulon oyow ogtalabau. Ogmaroyawon ta ka goinawa to mgo otow no ogkounus. Ogbuligan ta ka mgo otow no malintok ka pogtuu ran oyow ogmasalig on ka pogtuu ran, woy ogmalayaton ta ka goinawa ta to tibo no mgo otow.

Ian su ka pog-abin to Magboboot kanta, kono to oyow ogkalogparan ki, di oyow ogkapangabangan kinow su ligkat to nighimu to Lagboy no Igbuyag ta no si Hisu Kristu.

su tibo kow, mgo anak to kaawangan no og-ugpo kid to kaallawan no kono kid on to karusiloman woy ko doloman.