Popular Bible Verses from Salmo 91

Share

Makasiling siya sa GINOO, “Ikaw ang akon dalangpan kag mabakod nga palanaguan. Ikaw ang akon Dios nga akon ginasaligan.”

Ang bisan sin-o nga magpaprotektar sa Labing Mataas nga Dios nga Makagagahom protektaran niya.

Kon magpanawag siya sa akon, sabton ko siya; kon ara siya sa kalisod, updan ko siya; luwason ko siya kag padunggan.

Kay suguon sang Dios ang iya mga anghel sa pagbantay sa imo bisan diin ka makadto.

Protektaran ka niya pareho sang pagprotektar sang pispis sa iya mga buto sa idalom sang iya mga pakpak. Sa iya katutom, protektaran ka niya kag apinan.

Tungod kay ginhimo mo nga dalangpan ang GINOO, ang Labing Mataas nga Dios nga akon manugprotektar, wala sing kalamidad ukon kahalitan nga magaabot sa imo ukon sa imo panimalay.

Sigurado gid nga ilikaw ka niya sa mga siod kag sa makamamatay nga mga balatian.

Bisan linibo ka tawo ang magkalamatay sa imo palibot, indi ka maano.

Indi ka dapat mahadlok sa mga kalahadlukan, sa pana sang mga kaaway, sa mga balatian, kag sa mga kahalitan nga nagaabot kon gab-i ukon adlaw.