Popular Bible Verses from Salmo 51

Share

Himua nga matinlo ang akon tagipusuon, O Dios, kag hatagi liwat ako sing matutom nga espiritu.

Ibalik sa akon ang kalipay nga nabatyagan ko sang ginluwas mo ako, kag hatagi ako sing matinumanon nga espiritu.

Indi ako pagtabuga sa imo presensya, kag indi pagkuhaa ang imo Espiritu Santo sa akon.

Ang halad nga makapalipay sa imo, O Dios, amo ang kabuhi nga nagapaubos kag nagahinulsol sa iya mga sala. Ini nga klase sang halad indi mo pag-isikway.

Kaluoyi ako, O Dios, suno sa imo gugma. Panasa ang akon mga sala suno sa imo dako nga pagkabalaka sa akon. Hugasi ako sa akon kalautan; tinlui ako sa akon mga sala.

Tinlui ako sa akon mga sala para mangin matinlo ako. Hugasi ako para mangin maputi gid ako.

Sa imo lang gid ako nakasala. Ginhimo ko ang mga butang nga ginakabig mo nga malain. Gani husto ikaw sa imo mga ginhambal kontra sa akon. Wala ka nagsala sa imo paghukom sa akon.