Popular Bible Verses from Salmo 37

Share

Pangitaa ang imo kalipay sa GINOO kag ihatag niya sa imo ang imo ginahandom.

Itugyan ang bilog mo nga kabuhi sa GINOO; magsalig sa iya kag himuon niya ini

Magpakalinong ka sa presensya sang GINOO kag maghulat nga may pagpasensya sa iya nga himuon. Indi ka magpanginit sa mga tawo nga mainuswagon, nga madinalag-on sa ila malain nga mga plano.

Magsalig ka sa GINOO kag maghimo sang maayo. Magpuyo ka sa duta nga wala sing may ginakahadlukan nga katalagman.

Ginagiyahan sang GINOO ang mga tikang sang tawo nga ang iya pagkabuhi makapalipay sa iya. Bisan masandad siya, indi siya matumba tungod kay ginauyatan siya sang GINOO.

Ipahayag niya sang klaro nga matarong ka kag wala sing sala, pareho ka klaro sang adlaw nga nagasilak kon udto.

Indi ka magpangakig ukon magkaugot sa ila. Indi ka magpanginit, kay makapalain lang ina sa imo.

Halin sang akon pagkabata hasta subong nga tigulang na ako, wala pa ako makakita nga ang mga matarong ginpabay-an sang GINOO ukon ang ila mga kabataan nagapangayo-ngayo sang pagkaon.

Indi ka magpanginit sa malain nga mga tawo, ukon magkahisa sa ila nga mga nagahimo sang malain.