Popular Bible Verses from Salmo 30

Share

Kay ang iya kaakig wala nagadugay, pero ang iya kaayo nagapadayon hasta san-o. Ayhan nagakasubo kita sa kagab-ihon, pero pag-abot sang kaagahon magakalipay kita.

Gani, ginbayluhan mo ang akon pagpangasubo sang malipayon nga pagsaot. Ginpauba mo sa akon ang sako nga ginsul-ob ko sang nagpangasubo ako, kag ginhatagan mo ako sang kalipay, para indi lang ako maghipos, kundi magkanta ako sang mga pagdayaw sa imo. GINOO nga akon Dios, pasalamatan ko ikaw hasta san-o.

GINOO nga akon Dios, nagapangayo ako sang bulig sa imo, kag gin-ayo mo ako.

Magkanta kamo sang mga pagdayaw sa GINOO, kamo nga iya matutom nga katawhan. Dayawa ninyo siya bilang pagdumdom sa iya pagkabalaan.

Ginadayaw ko ikaw, GINOO, kay ginluwas mo ako sa katalagman kag wala mo pagtuguti nga magkalipay ang akon mga kaaway sa akon kahimtangan.