Popular Bible Verses from Hulubaton 18

Share

Ang imo mga ginahambal makaluwas sang kabuhi ukon makapatay. Gani kon palahambal ka, magbantay ka kay pagaanihon mo ang bunga sang imo mga ginahambal.

Ang GINOO pareho sa mabakod nga tore, kag sa iya nagadangop ang mga matarong para indi sila maano.

May pag-abyanay nga wala nagadugay, pero may pag-abyanay man nga mas malapit pa sang sa mag-ulutod.

Kon nakapangasawa ka, nakabaton ka sing maayo nga butang, kag nagapakita ina nga maayo ang GINOO sa imo.

Balingag kag makahuluya ang tawo nga nagasabat nga wala anay nagapamati.

Ang buang-buang nga tawo wala gid sing handom nga makatuon; ang iya lang gusto amo ang pagpahayag sang iya kaugalingon nga opinyon.

Ang pagpabugal sang tawo makalaglag sa iya, pero ang pagpaubos makapadungog sa iya.