Popular Bible Verses from Hulubaton 10

Share

Nagamanggaranon ang tawo tungod sa pagpakamaayo sang GINOO, kag indi ini madugangan paagi sa tudo nga pagpangabudlay.

Ang tawo nga palahambal madali makasala. Maalamon ang tawo nga makahibalo magpugong sang iya baba.

Ang kaugot makapaumpisa sang gamo, pero ang gugma makapatawad sang tanan nga sala.

Ang pagkatamad makapaimol sa tawo, pero ang pagkapisan makapamanggaranon sa iya.

Ang tawo nga nagapamati sa mga pagtadlong sa iya pamatasan magaayo kag magalawig ang iya kabuhi, pero ang tawo nga wala nagapamati magatalang.

Ang tawo nga nagakabuhi nga matarong indi maano, pero ang tawo nga nagakabuhi sing indi husto mahibaluan ang iya ginahimo.

Ang nagatahod sa GINOO magakabuhi sing malawig, pero ang malain nga tawo magakabuhi sing malip-ot.

Indi pagpabay-an sang GINOO nga magutuman ang mga matarong, pero ang mga malain ya indi niya pagtugutan nga matuman ang ila malain nga mga handom.

Kon mag-abot sa kabuhi ang pagtilaw nga pareho sang bagyo, malaglag ang malain nga tawo, pero ang matarong nga tawo magapabilin nga mabakod.