Popular Bible Verses from Ezekiel 34

Share

Pangitaon ko atong mga nagkaladula kag nagtalang. Bugkusan ko ang mga may pilas kag pabaskugon ang mga maluya. Pero pagalaglagon ko ang mga matambok kag mabaskog. Himuon ko sa ila kon ano ang matarong.

Mangin pareho ako sa manugbantay nga nagapangita sang iya mga karnero nga naglalapta. Pagaluwason ko sila sa tanan nga lugar nga sa diin sila naglalapta sadtong tion sang kagamo.

“Ako, ang Ginoong DIOS, nagasiling nga ako mismo ang magapangita sang akon mga karnero kag magatatap sa ila.

Ako mismo, ang Ginoong DIOS, ang magatatap sa akon mga karnero, kag papahuwayon ko sila.

“Kamo ang akon mga karnero sa akon palahalban. Kamo ang akon katawhan, kag ako ang inyo Dios. Ako, ang Ginoong DIOS, ang nagasiling sini.”

“Anak sang tawo, maghambal ka kontra sa mga manugbantay sang Israel. Silinga sila nga ako, ang Ginoong DIOS, nagasiling: Kaluluoy kamo nga mga manugbantay sang Israel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero?