Popular Bible Verses from Exodus 20

Share

“Ako ang GINOO nga inyo Dios nga nagpaguwa sa inyo sa Egypt nga sa diin kamo gin-ulipon. Indi kamo magsimba sa iban nga dios magluwas sa akon.

Indi kamo maghimo sang mga dios-dios sa dagway sang bisan ano nga ara sa langit, ukon sa duta, ukon sa tubig. Indi gid ninyo ini pag-alagaron kag simbahon, kay ako, ang GINOO nga inyo Dios, indi gid gusto nga may ginasimba kamo nga iban. Ginasilutan ko ang mga nakasala sa akon pati ang ila mga kaliwat hasta sa ikatatlo kag ikaapat nga henerasyon nga nagasikway sa akon.

Tahura ang inyo amay kag iloy para magkabuhi kamo sing malawig sa duta nga ginahatag ko sa inyo.

Tumana ninyo ang akon mga ginapahimo sa Adlaw nga Inugpahuway, kag himua ninyo ini nga pinasahi nga adlaw para sa akon.

Indi ninyo paggamita ang ngalan sang GINOO nga inyo Dios sa wala sing pulos kay ako, ang GINOO, magasilot sa kay bisan sin-o nga maggamit sang akon ngalan sa wala sing pulos.

Mag-obra kamo sa sulod sang anom ka adlaw, pero ang ikapito nga adlaw amo ang Adlaw nga Inugpahuway nga inyo painon para sa akon, ang GINOO nga inyo Dios. Indi kamo mag-obra sa sina nga adlaw pati ang inyo mga anak, mga ulipon, mga kasapatan, kag ang mga pangayaw nga nagaestar sa inyo mga banwa.

Indi kamo magkahisa sa balay sang inyo isigkatawo, ukon sa iya asawa, mga ulipon, mga baka ukon donkey, ukon sa bisan ano nga ara sa iya.”

Indi kamo magsaksi sing butig kontra sa inyo isigkatawo.

Indi kamo magpanginbabayi ukon magpanginlalaki.

Indi kamo magpatay.

Indi kamo magpangawat.