Popular Bible Verses from Exodus 15

Share

“Kon magsunod kamo sing maayo sa akon, ang GINOO nga inyo Dios, kag maghimo sing maayo sa akon panulok kag magtuman sang akon mga sugo kag mga pagsulundan, indi ko kamo pagpadal-an sang mga balatian pareho sa ginpadala ko sa mga Egyptohanon. Ako ang GINOO nga inyo manug-ayo.”

Ang GINOO amo ang nagahatag sa akon sang kusog, kag siya ang akon ginakanta. Siya ang nagluwas sa akon. Siya ang akon Dios, kag pagadayawon ko siya. Siya ang Dios sang akon amay, kag padunggan ko siya.

O GINOO, sin-o bala nga dios ang makapareho sa imo? Wala na sing pareho sa imo sa pagkabalaan kag pagkagamhanan. Ikaw lang ang Dios nga nagahimo sang makatilingala nga mga butang!

“Sa imo mapinadayunon nga gugma tuytuyan mo ang mga tawo nga imo ginluwas. Sa imo nga kusog, tuytuyan mo sila sa imo balaan nga puluy-an.

Sang nakaabot sila sa Mara, nakakita sila sang tubig, pero indi sila makainom tungod kay mapait ang tubig. (Amo ina nga gin-ngalanan ini nga lugar nga Mara.) Tungod sini, nagreklamo ang mga Israelinhon kay Moises, “Ano na lang ang imnon ta?” Gani nagpangayo sang bulig si Moises sa GINOO, kag ginpakita sang GINOO sa iya ang isa ka utod nga kahoy. Ginhaboy ini ni Moises sa tubig kag nagnamit ang tubig. Didto naghatag ang GINOO sang sini nga pagsulundan kag sugo sa pagtilaw sang ila katutom sa iya