Popular Bible Verses from Deuteronomio 18

Share

Dapat wala sing isa sa inyo nga magsunog sang iya anak bilang halad. Kag indi man kamo magpamakot, magpangbabaylan, magpaathag sang kahulugan sang mga palatandaan, magpanghiwit, magpangbarang, maghimo sang mga ginahimo sang espiritista, kag magpakig-estorya sa kalag sang mga patay.

Ang bisan sin-o nga maghimo sang sini nga mga butang kangil-aran sang GINOO. Amo ini ang rason kon ngaa ipatabog na gid sa inyo sang GINOO nga inyo Dios ina nga mga nasyon.

Kon ang ginahambal sang propeta sa ngalan sang GINOO indi matabo ukon matuman, ina nga mensahi indi iya sang GINOO. Iya-iya lang ina sang amo nga propeta, gani indi kamo magkahadlok sa iya.

Dapat wala kamo sing kasawayan sa atubangan sang GINOO nga inyo Dios.