Popular Bible Verses from 2 Hari 6

Share

Nagpangamuyo dayon si Elisha, “GINOO, buksi ang iya mga mata para makita niya.” Ginbuksan sang GINOO ang iya mga mata, kag nakita niya ang kabukiran sa palibot ni Elisha nga puno sang mga kabayo kag mga karwahe nga kalayo.

Nagsabat si Elisha, “Indi ka magkahadlok. Mas madamo ang aton mga kaupod sang sa ila.”

Pagkaaga, aga pa gid nagbugtaw ang suluguon ni Elisha, kag nakita niya ang mga soldado nga nagasakay sa mga kabayo kag mga karwahe nga nagapalibot sa banwa. Nagsiling siya kay Elisha, “Sir, ano na lang ang aton himuon?”

Samtang nagapakadto ang mga kaaway kay Elisha, nagpangamuyo siya, “GINOO, bulaga ini nga mga tawo.” Gani ginbulag sila sang GINOO suno sa ginpangabay ni Elisha.

Nagpamangkot si Elisha, “Diin dampi nahulog?” Gintudlo sang tawo kon diin dampi nahulog, kag dayon nag-utod si Elisha sang lipak kag ginhaboy ini didto. Kag naglutaw ang ulo sang wasay.

Samtang ang isa sa ila nagatapas, nahulog ang ulo sang iya wasay sa tubig, gani nagsinggit siya, “Sir, ginhulam ko lang ato!”

Nagsiling si Elisha, “Kuhaa na.” Kag ginkuha sang tawo.