Popular Bible Verses from 1 Samuel 17

Share

Nagsabat si David, “Nagapalapit ka sa pagpakig-away sa akon nga may espada, bangkaw, kag sibat, pero nagapalapit ako sa pagpakig-away sa imo sa ngalan sang GINOO nga Makagagahom, ang Dios sang mga soldado sang Israel nga imo ginahangkat.

Ang tanan nga nagatipon diri makahibalo nga makaluwas ang GINOO sa iya katawhan bisan wala sing espada ukon bangkaw, kay ang GINOO mismo amo ang magapakig-away, kag itugyan niya kamo tanan sa amon.”

Ang GINOO nga nagluwas sa akon sa leon kag sa bear magaluwas man sa akon sa kamot sang sini nga Filistinhon.” Nagsiling si Saul kay David, “Sige, lakat, kag kabay pa nga magaupod ang GINOO sa imo.”

Sa sini nga adlaw, itugyan ka sang GINOO sa akon; patyon ko ikaw kag utdon ang imo ulo. Kag sa sini man nga adlaw ipakaon ko ang mga bangkay sang mga Filistinhon sa mga pispis kag sa mapintas nga mga sapat, kag mahibaluan sang bilog nga kalibutan nga may Dios ang Israel.

Dayon ginkuha niya ang iya sungkod, kag nagpulot sang lima ka mahining nga bato sa ililigan sang tubig kag ginsulod sa iya bag nga ginadala niya kon magbantay siya sang sapat. Gindala niya ang iya labyog kag nagpalapit kay Goliat.

Pag-abot ni David, nagsiling siya kay Saul, “Wala sing isa nga dapat madulaan sang kaisog tungod sa sini nga Filistinhon. Ako nga imo alagad magapakig-away sa iya.”