Popular Bible Verses from 1 Cronica 16

Share

Magsalig kamo sa GINOO kag sa iya nga kusog. Magdangop kamo permi sa iya.

Pasalamati ang GINOO kay maayo siya; ang iya gugma wala sing katapusan.

Pasalamati ninyo ang GINOO; simbaha ninyo siya! Isugid sa mga katawhan ang iya mga binuhatan.

Dayawa ninyo ang iya pagkabalaan. Magkalipay kamo nga mga nagadangop sa iya.

Kamo nga mga pinili sang Dios kag mga kaliwat ni Israel nga amo man si Jacob nga alagad sang Dios, dumduma ninyo ang iya makatilingala nga mga binuhatan, ang iya mga milagro, kag ang iya mga paghukom.

Kantahi ninyo siya sang mga pagdayaw; isugid ang tanan nga makatilingala niya nga mga binuhatan.

Kay gamhanan ang GINOO, kag takos gid nga dayawon. Dapat siya nga tahuron labaw sa tanan nga dios

Ihatag sa GINOO ang pagpadungog nga nagakadapat sa iya, kag magdala kamo sang halad sa iya presensya. Simbaha ninyo siya sa iya balaan nga presensya.

Ara sa iya ang pagkagamhanan kag pagkahalangdon; ang kusog kag kalipay ara sa iya puluy-an.

Kamo nga mga katawhan sa bilog nga kalibutan, magkanta kamo sa GINOO. Isugid ninyo adlaw-adlaw ang parte sa pagluwas niya sa aton.

Isugid ninyo sa tanan nga katawhan sang mga nasyon ang iya pagkagamhanan kag ang iya makatilingala nga mga binuhatan.

“Indi ninyo pag-anha ang akon pinili nga mga alagad; indi ninyo paghaliti ang akon mga propeta.”

kay ang tanan nga dios sang iban nga mga nasyon ginhimo man lang nila para ila simbahon, pero ang GINOO amo ang naghimo sang kalangitan.

Indi gid niya pagkalimtan ang iya kasugtanan hasta san-o, ang iya promisa hasta sa linibo ka henerasyon.

Magkalipay ang kalangitan kag ang kalibutan. Magsugid sila sa mga nasyon, “Nagahari ang GINOO.”

Dalayawon ang GINOO, ang Dios sang Israel, hasta san-o.” Dayon nagsabat ang tanan nga katawhan, “Amen.” Kag nagdayaw sila sa GINOO.

Dayawa ninyo ang GINOO, kamo nga mga katawhan sang mga nasyon. Dayawa ninyo ang iya gahom kag kusog.