Yela 54
54
Nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii, che he
sɔnjen la ta, dɛ́ lɛɛ mɛ,
che he kpeɡri ta,
dɛ́ pa mɛ bole!#1Sa 23:19
2N Naa Korowii, no n wesoŋa,
no n waa maa dɛ bol!
3Nɛŋhɔɔhra balɔ
dɛɛ ba ba yoo mɛ,
nyubinikpeɡ tena
ba siwi aa kpeɡa,
dɛ nyin mɛ dɛ́ kpo.
Banee nɛra baa wola
hen Korowii komɛl yerɛ la.
4N Naa Korowii,
henee dɛɛ cha mɛ,
henee dɛɛ tɛ mɛ bokpeɡa.
5Gel n dɔma vɔrɔwa
baa vɔrɔwa ɡure ba nyu ta,
che he kasinteŋ ta
dɛ́ chɔɡ ba.
6N Naa Korowii,
mɛɛ ɛ saraha
aa le n bambile taa tɛɛ,
mɛɛ kpɛɛ he sɔn laanee,
dɛkalkɛŋɔ he waa wer.
7Henee lɛɛ mɛ n wahala bwa
ta,
dɛ ɡel n na n dɔma chola.#1Sa 26:24
Избрани в момента:
Yela 54: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.