Yela 53
53
Nɛwɛnyini nyubinikpeɡ wa
Kooro Devid yel
1Gɛna ɡboo yon ŋɔ,
“Korowii toole.”
Nɛndɛɛɡe bɛlbwa toole ba
bini,
wechɔɡa ɡboo ba bwa,
nɛmbeŋkpoŋ kwaraa toole
dɛɛ ɛ wedɛɛɡa.#Yel 14:1-7
2Korowii lɔ nyundua,
dɛ ba sie ne harɛ,
dɛɛ nyiŋi nɛwɛnyina
kɛŋɔ bɛl dɔ wejema dɛɛ nyin
o Korowii bɔr dɛ́ tomɔ.
3Nomɛlbwa berɛ habɔɔ kpoo,
nɛndɛɛɡe bɛlbwa toole ba
bini,
bɛlbwa toole dɛɛ ɛ wedɛɛɡa,
nɛmbeŋkpoŋ kwaraa toole.
4Korowii ŋɔ,
“Amɔ wechɔɡ-ɛɛra
ɛɛ hweli waa bwaa yaa?
Ba dɛ liɡli n nɛra kɛŋɔ
baa dɛ di kwaa ken,
baa wola wi dɛɛ no
men Korowii.”
5Belaa ba do ɔmee su ba bwa,
kɛ dɛ a ta chɛ kɛŋɔ
bá fe ɔmɛ.
Korowii lɔ nɛra baa yo
heyaa la hoɡa peɡre,
he ɡelɔ sihiih kpo ba,
dɛkalkɛ Korowii vɛɛh ba.
6N dɛ soŋe kɛŋɔ mkpa lɛɛ
le Saayɔn, dɛ́ ba o nɛra
Israel tena be.
Dɛ Korowii berɔ ba lɛ
o nɛra Israel tena ja aa,
ba sie ɛɛ lɛo.
Избрани в момента:
Yela 53: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.