Yela 55
55
Nomɛl o dɔŋ aa leo tɛ wesoŋa
Kooro Devid yel
1N Naa Korowii, no n wesoŋa,
bɛ sie laa kpɔ
waa maa dɛ soŋe nɔ ta,
2no n be dɛ́ chaŋ mɛ,
n liire chɔɡ waa
aa dɛ ha mɛ ta,
3n dɔma aahra baa dɛ aah mɛ,
ne fiiɡa baa dɛ fiɡ mɛ
nomanta,
ba kpɔ wenaale ba ta n nɛ,
ba muɡli n baah dɛ hah
mɛ.
4N bambile dɛ lɔ,
seo ɡelɔ n bwara yɔr
n ɔmɛ dɛɛ chel kohona.
5Ɔmee ne bochela chole n nɛ,
asɛ n bambile teŋe kohona.
6Dɛ n dɔ kena kɛŋɔ kweah aa,
n fe ɛɛ iruu kaa bojaŋ
dɛ́ ka onɛ.
7N fe ɛɛ iruu kaa bojaŋ,
dɛ́ ka so
pua hɛŋle ɡbo harɛ ta.
8Dɛ́ ɛ warane ka nyin sobɔr,
dɛ́ le peukpeɡ waa dɛ ta
dɛɛ nɛ bwaala bini.
9N Naa Korowii,
ɡel n dɔma wili,
ba bɛ won bol wa!
N na wesaɡasaɡare
ne yoi bwɛjen la ta,
10ba bɛɛlɔ dɛɛ bar
o danjwɛɛre
chɔɔ ne jwaana,
dɛ kpɔ wechɔɡa ne waa
aa wola were su o bwa.
11Nɛnchɔɡa lɔ
bwɛjen la ta bobɛlbwa.
Ba cheɡɛ ba
kpeɡri ta, dɛɛ fiɡ ba
dɛɛ neɡ ba o fɔɡbaahna.
12Dɛ n dɔmee
dɛɛ chɛɡre mɛ naa,
n fe ɛɛ lɛo do.
Dɛ nɛn waa hah mɛ ɡee
dɛɛ mam mɛ naa,
n fe ɛɛ laa n tenee
kpɔ o nɛ.
13Kɛ hen haa ɛ n chamenate la,
henee dɛɛ ɛɛ mɛ.
N dam n ne haa dɛ valɛ,
14ya bwa fa pɛ dɛɛ ɛ waa
kɛrɛdɛ ken, dɛ kaa tomɛ
Korowii o Dea.
15N Naa Korowii,
ɡel n dɔma piɡri serewe,
ɡel ba huɡ ba dɛ ba siwi ta
lole,
dɛkalkɛ wechɔɡa lɔ
ba bambile ne ba deremi.
16Kɛ n wio no hen Korowii,
asɛ he no dɛ cha mɛ.
17Jwaana, chɔɔ ne webaŋa,
n suna wii ne n pɛma
dɛ tel he be,
asɛ hɛɛ no n taa.
18Hɛɛ berɔ lɛɛ mɛ
le n dɔma baa wara,
laa maa kaa yoo ba ta,
dɛ́ ba n ne sɔnɔnɔɔ ken.
19Hen Korowii, henee dɛɛ
di kora saŋ bɛlbwa,
hɛɛ no n wesoŋaa
dɛ́ yoo ba, dɛ́ pɔ ba nɛ.
Dɛkalkɛ ba vɛh ba liire
chara, baa hen ɔmɛ.
20N dam tenten n ne o fa aa
dɛ valɛ yo o daamanar,
dɛ chɔɡ fɔo o ne baa fɔwa.
21O nyoa wobol pwɛre
kɛŋɔ noo ken,
kɛ dɛ liichɔɡa lɔ
o bambile ta, dɛ won mɔna
kɛŋɔ kerenyɛɡ ken.
22Kpɔ he waa bwa dawɛ
Korowii nɛ,
wɛɛ che he habɔɔ,
waa ɡel nɛra ba wa aa
toɡra chole bwa.
23Kɛ hen Korowii, hɛɛ taɡɛ
nɛra baa dɛ kpoo nɛra,
ne nyosonteŋna laanee
do ba lalbɔɔne bini,
bá serewe mɔɔ ba saŋ tel.
Kɛ n te, n kpɔ n te dawɛ
hen Korowii nɛ.
Избрани в момента:
Yela 55: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.