Yela 52
52
Korowii nɔn taa wobɛlbwa do
Kooro Devid yel
1Nomonjen, ɛrɛɛ hɛɛ baɡle he
te wechɔɡa ɛɛ ta nɔɔ?
Korowii nyina waa dɛ nyin
yaa, lole saŋ bɛlbwa.#1Sa 22:9-10
2He vɔrɔwe nɛra vɔrɔwa
dɛ́ chɔɡ ba,
he nyondoŋe do kɛŋɔ
naŋɡɔse ken,
saŋ bɛlbwaa hɛɛ teŋe
nyosone.
3He dɛ nyin wechɔɡa
dɛ ɡwaa wedɛɛɡa,
dɛɛ nyin nyosone
dɛ ɡwaa kasinteŋ dii.
4Nyosontenŋi bɛl le!
He dɛ chɔɡ nɛra he nyoa
wobol ne!
5Anomanta, Korowii ɛɛ
chɔɡee
saŋ bɛlbwa dɛɛ la,
dɛ́ ba jo he dem tɛre le,
dɛ́ lawɛ le harɛ nɔ ta.
6Nɛra ba wa aa toɡra la
ɛɛ nao dɛ́ ɔmɛ,
baa dɛɛ mamɛɛ ŋɔ,
7“Hé na, baa waa wola
Korowii kpɔe
ɛ o Kpeɡnɛn laanee la.
O kpɔ o hwɛɡa bwa do o
kondɔɔh ta, o nyu bini
do kpeɡri kohona
o bala chɔɡa ta.”
8Kɛ n te, n do kɛŋɔ ɔleve da,
dɛ che Korowii Dea
dɛɛ kpeɡ.
N dɛ hwɛɡɛ Korowii nyina
aa wola jaɡa dɔe
saŋ bɛlbwa la ta.
9Mɛɛ kpɛɛree saŋ bɛlbwa,
he waa haa ɛa wa,
he sɔn la taa mɛɛ hwɛɡɛ,
dɛkalkɛ he waa wer,
dɛ́ kpɛɛre he nɛra
ba wa aa toɡra sie.
Избрани в момента:
Yela 52: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.