Популярни библейски стихове от Isaías 40

Споделяне

Jo̧bada me'dawadönö tjujuluwachibanö pjabato̧, jo̧bada tjujulu jwibadönö tjujulu iyo̧.

Jau chömöledö, möayedöbi, tjujulu 'dö̧ibawö̧, me'dawachibadö, ömadö juluwadöbi me'dawachibö 'dö̧bachadö. Jo̧kwaijayonö Isabenö Jo̧nö tjo̧'wo wana̧ladöma, Dios pjaatawö̧ yemidanö tjujuluwachibakwedö. Wanedö yötawa, wiyuli möakwö kabekwö köi̧danö, tjujuluwachibanö katjekakwedö, ja̧danö ödö ö'ötjakwawijayonö, tji̧me'dawachibökakwedö, ja̧danö ödö kwetjachijayonö, 'dö̧tjachibökakwedö.

Diosnö la'akatjöda kwa̧ja̧kwinaduwökiji̧? Yötjawi̧ okwa jawa la'akatjöda do̧katinaduwökiji̧? Isabenö Jo̧ma, ba̧kwelöjatebö jo̧ Dios chömöledö, jo̧bada okobe jwiinö bö̧jȩ otidinama. Jo̧bama la'akatjöda 'dö̧bachibö̧kö̧, ja̧danö la'akatjöda me'dawachibö̧kö̧. Ja̧danö okobe jwiinö waiso̧, bakwo̧bi okobe jwiinö Dios öwaisi̧ jawa öwaisachiboböma jwiobe.

Bakwo̧ jwöeba̧li̧ ökwöobe: —Jojodö deelö nijitjö, Isabenö Jo̧ ichakwa̧ mana kwotidaduwo, kököemi niji ö'wejenö, duluwo̧ Dios ichakwa̧ mana jalama kwotidaduwo.

Jau, meje'yema kököbachibö suli̧ waekwobe, ja̧danö o̧bubiya otiwi̧ma 'kököbachö 'di̧bachö suli̧ jwöachobe, jo̧kwaijayonö dösödökwe Dios yöawi̧ma, la'akatjöda 'dö̧bibajö̧kö̧ ji̧, ba̧kwelöjatebö 'diinö ja̧kobe dösödökwe Dios yöawi̧ma.

Jemi ikenama Isabenö Jo̧ dejatinö ujulu öwawachakobe, ja̧danö okobe deinö bö̧jȩnö ju̧kwadöma bakobe ujulu dedakwedösa. Jobekwö yöawajabe Isabenö Jo̧ma, isabenö baledakobe, —jö̧ba̧lö jwöeba̧li̧ ökwöobe.

Okobe jwiinö wabekoemi o̧tjö̧ ba̧ba̧ladö kwotidaduwo, ja̧danö okobe jwiinö mösa'ijuma sobö ba̧ba̧ladö kwotidaduwo. Baba̧lajököma, ba̧ba̧ladö kwotidaduwo, ja̧danö yalikwaemitenia ba̧ba̧ladö kwotidaduwo, duluwo̧ jweinö ichakobetjö̧.

Jo̧ba Diosma iteda ömöledönö otiwanö iteada̧lakwo̧, obejadönö teada̧lo̧ iteda ajwimunö iteada̧li̧danö. Obejadö tji̧tji̧munö emö, apjö̧alö e'ewobedanö, ja̧danö ajwi̧mu metu'wo ja̧dönö dösölö̧jinö öibi̧danö otiwanö iteada̧lakwo̧ Diosma, iteda ömöledö Juda jojodönö.

Mölȩjȩbe edö, si̧li̧'idönö kwomukwataduwo. Tida jobadönö otidinama? Tida bakwo̧nökwena imi jwöbö, yö̧tekwena okobe deinö jobadö inesö ba̧jȩkwadö latjebobö öibobeda? Ötjödasa chömöledö, ja̧danö jwiinö chujuluwobetjö̧, latjebobö jwötenama, bakwo̧bi deökönö, okobe deinö weti̧ a̧ja̧kwö labebadö, jö̧tö? —jö̧ba̧lö abebö a̧ja̧kwobe Diosma ökwödönö.

Bö̧jȩ wame ja̧ka iteaka inesö la'aka luwo̧ ö̧bakanö bo̧ Diosma, jwiinö möakwo bo̧, ja̧danö jo̧ba öba a'otjö bö̧jȩ jojodöma pjebadö ma̧la̧ka̧yudanö ichejekwadösa. Jau chömöledö, inesö juluwo̧obetjö̧, sabana'wo sedatö tjö̧ni̧danö, mölejȩ sedatö nöno̧, iteda eju sabana'wotjö otikwejudanö baibakobetjö̧.

Dösölö̧jinö yöka̧lo chömöledö Jerusalennö ju̧kwadönö, jobadönö jwöbö yökawo: —Ölakwabikwawö kwö̧jaduwi̧ma ida̧ökö 'dö̧ibajabe. Ja̧danö sulabenö ja̧bö kwö̧jinaduwijayonö, Isabenö Jo̧ma ida̧ökö dötölatajanö ökwödönö lȩebajabe, ja̧danö kwusuladuwima söbebö loajabe, jö̧ba̧lö yöawobe.

Bakwo̧ iwene ökwöobe cha̧ja̧kwobe, —Jwöbeba̧li̧, —jö̧ba̧lö. A̧ja̧kwö abebö cha̧ja̧kwobe, —Taji jawa jwöteba̧lakwa̧da? —jö̧ba̧lö. Atebökwe, —Bö̧jȩ jojodöma meje'yedanö ichejekwadö, ja̧danö tjotiwi̧ma, mejetjö pokwi̧ o̧bubiyadanö ichejekwadö. Jau, Isabenö Jo̧ pjuenama, meje'yema kököbachibö suli̧ waekwobe, ja̧danö o̧bubiya otiwi̧ma kököbachö 'di̧bachö suli̧ jwöachobe.

Edaduwi, kwuluwo̧duwi Isabenö Jo̧ Diosma iteda ujulunö icho̧ma, jwiinö juluwo̧obetjö̧, webö ö̧jakwo̧. Jau, döpöjojodönö ujuluwajabe, ja̧danö jobadö tjujulutjö ejatajawö̧nö öbibö ichobe, —jö̧ba̧lö yökawaduwo.

Baikwö yöawobe dösödökwe Diosma: Otiwanö tjujuluwachibanö yökawo chömöledönö, o̧'wo tjobekwö tjö̧ji ösöwachibanö.

Isabenö duluwo̧ Diosdanöbo̧ma deobe. Jo̧bada iteda ömamunö jwaibalawa badedö edinama, ojwiyo dokwa nöinö lo̧ojobö jö̧ba̧lö. Ja̧danö jo̧bada ötö'anö ba̧ja̧dö, mölȩjȩ ba̧ja̧dö edinama, dokwa jalojobö jö̧ba̧lö. Jo̧bada böjȩ niji̧so̧pja ba̧ja̧dö edinama, jo̧bada mösa'iju dokwa nöinö ömökojobö jö̧ba̧lö, ba̧ja̧dö edinama. Bakwo̧bi öwaisobö jenaji̧, Isabenö Jo̧ O̧'wo Luwo̧ öwaisi̧ma, dokwa nöinö öwaisojobö jö̧ba̧löma? Bakwo̧bi jo̧banö waisanö omukwatakwawa ö̧ba̧jodobö jȩnaji̧? Tinö abebö a̧ja̧kwinada, okwa jawa omukwatakwawa öwaisachiboböma? Ti ö̧ba̧ja̧dinada, otiwanö ja̧bö ja̧kwawa öwaisachiboböma? Ti ö̧ba̧jadinada, waisakwawa öwaisachibobö, ja̧danö okwa jawa waisanö omukwatoböma? Bakwo̧bi deobe, jö̧tö?