Маме патрэбны другі шансУзор

Радасць

Кожны раз, калі нашыя чаканні не спраўджвацца, мы маем выбар. Радасна рухацца наперад або мітусіцца і злавацца. Мы можам змагацца супраць таго, чаму Бог хоча навучыць нас праз змены, або мы можам напоўніцца спакоем, які, хоць гэта гучыць як клішэ, пераўзыходзіць усялякае разуменне. Мы можам кіравацца сваёй імгненнай рэакцыяй, або можам спыніцца, абдумаць гэта і паставіць мэту.

Калі вы з усіх сіл спрабуеце ўтрымацца ад таго, каб не раззлавацца на сваё дзіця, адкуль прыходзіць ваша сіла? Гэтая кіпячая, палаючая, здавалася б, непераадольная злосць, якая ўзрываецца, а потым прымушае нас вінаваціць дзіця... гэта супрацьлегласць радасці!

Нас могуць вывесці з сябе самыя простыя дробязі. Дзіця, якое не жадае дамаўляцца, або доўгая чарга ў банку могуць зрабіць нас дрэнным прыкладам, як не трэба сябе паводзіць, калі нешта ідзе не па-нашаму.

У нейкі момант вам прыйдзецца прызнаць, што вы выбіраеце, як рэагаваць у складанай сітуацыі. Гаворка ідзе пра тое, каб выбіраць радасць, калі становіцца цяжка: калі крыўдзяць ваша дзіця або ваш банкаўскі рахунак пусты, або ваш муж не пускае вашых дзяцей у хату. Гэта не простая перспектыва. Але Бог абяцае, што гэта магчыма. Прачытайце Якуба 1:2-4 яшчэ раз і проста ўбярыце ў сябе гэтыя словы.

Сябры мае, радасць Духа - ваша, варта толькі папрасіць! Вазьміце яе! Прыміце яе! Трымайцеся за яе з такой сілай, з якой вы імкнуліся да сваёй мары ў дзяцінстве. У такім падарунку больш задавальнення, чым ва ўсім, што вы можаце сабе ўявіць!