Маме патрэбны другі шансУзор

Чаканне нечаканага

Кіраванне сваімі чаканнямі - гэта яшчэ адна важная частка працэссу. Вядома, вы павінны чакаць вынікаў, але звычайна яны выглядаюць не так, як вы сабе ўяўлялі. К. С. Льюіс, у сваёй кнізе "Лісты да Малькальма" дзеліцца сваімі думкамі пра нашыя чаканні:
"Мне здаецца, што мы часта, з незадаваленасцю, адкідваем тое добрае, што Бог нам дае, таму што ў гэты момант мы чакаем ад Яго нечага іншага. Ведаеце, што я маю на ўвазе? Ва ўсіх сферах нашага жыцця - рэлігія, ежа, любоў, сацыяльныя адносіны - мы заўсёды вяртаемся да нейкай падзеі, якая на наш погляд была дасканалай, успрымаем яе як норму, і лічым нічога не вартымі ўсе астатнія падзеі ў параўнанні з гэтым. Але ўсе гэтыя падзеі, я лічу зараз, часта напоўненыя сваімі ўласнымі новымі дабраславеннямі, калі толькі мы будзем адкрытымі, каб успрыняць яго. Бог паказвае нам новыя грані славы, а мы адмаўляемся глядзець на яе, таму што ўсё яшчэ шукаем старыя.

Будзьце асцярожныя у тым, як вы вымяраеце поспех. Вы не можаце вымяраць свой поспех рэакцыямі і іншых людзей. Калі ваша мэта - зрабіць некага шчаслівым, вам трэба гэта змяніць. Калі ваша місія - зрабіць так, каб ваша дачка заставалася ў ложку з задавальненнем, гэта будзе складана. Вы не можаце кантраляваць пачуцці і мары іншых людзей. Але вы можаце знаходзіць сваю ўласную радасць у сітуацыі і не дазваляць сабе ўпадаць у роспач. Іншыя заўважаць гэта, і нават калі яны не будуць паказваць, яны захочуць мець такую самую радасць. Яны могуць думаць, што радасць можна адчуваць, толькі калі ты атрымліваеш жаданае, але вы ведаеце, што гэта няпраўда і для іх, і для вас. Радасць не вынікае з абставін; яна з'яўляецца вынікам узаемаадносін са Святым Духам і жыцця, напоўненага ахвярай і Божай славай.

Таму не стаўце сваёй мэтай зрабіць дзіця або мужа шчаслівым. У дачыненні да мужа пастаўце сабе мэту дабраслаўляць і паважаць яго. Пакажыце яму, што вы рады быць ягонай жонкай, і няхай гэта будзе сведчаннем яму. Ягоная рэакцыя залежыць ад яго, і вы не можаце гэта кантраляваць. (Я ведаю, я не хацела б, каб нехта кантраляваў мяне падобным чынам!)