YUHUA 19
19
Na ngaba tana pa-panduma-nya na kabihu Hamiungu
1Na pa-beringu pa-panduangu wàna jiaya na tana ndumada da biliku la kabihu banjaru Hamiungu. Na lola tanada nyuda na hanjoruku lundu la lola tana manguna na kabihu Yahunda. 2-6Pawuangu-ha nyuda hakambulu tailu mbua paraingu da patiki pandàkingu yiada papohu-nja da ndeha la winggiru-da: na Mbiruhemba, Heimba, Molanda, Hahàru-Hualu, Mbala, Ehimu, Elitolàtu, Mbetulu, Hòruma, Hikulàku, Mbetu-Hamàrukambutu, Hahàru-Huha, Mbetu-Lambautu, dàngu Haruhingu.
7Hamangui da patu mbua paraingu da patiki pa-ndàkingu yiada dàngu da ndeha la winggiru-da: na Aïngu, Rimungu, Etiru dàngu na Ahàngu. 8Papohu-nja mbuu ndàbada da ndehambu la winggiru-da nuda da paraingu lundu la Mbaalàtu-Mbeyiru-ya na marauna (nu na Rama) la tana mbara luru. Nunaya na tana na pawua-nja da biliku la kabihu Hamiungu ka damangu-nya. 9Na tana nduma Yahunda kanjupu lerangu-ya, ba tuna hawiangu nuna na tana pa-wuangu la kabihu Hamiungu-ya.
Na ngaba tana pa-panduma-nya na kabihu Hembulungu
10Na pa-beringu pa-pandailungu wàna jiaya na tana ndumada da biliku la kabihu Hembulungu. Na padira tana pawua-nja nyuda natàka la Haritu. 11Welingu la Haritu, nalola padira la patama lodu hanàhu-na la Marala hi namangu pa-hipitu-ya na Ndambehitu dàngu na ana luku la pahunga loduna na Yòkuniamu. 12Na lola padira la pahunga lodu napiti welingu la Haritu hanàhu-na la padira Kihilotu-Tamburu, pangalangu la Ndòburàtu, hi mangu pa-kandekalu la Yapia. 13Welingu lai nu na-pangalangu la pahunga lodu la Nggàta-Hepiru dàngu Eti-Kahingu nu na lola padira, hi namangu pa-wikitu hanggangu la Nia hanàhungu la Rimungu. 14La mbara dia na-wikitu hanggangu la Hanatungu nu na lola padira tana hi lundu la Lolangu Yiputa-Eluya na kanjupungu ningu. 15La ngaba tana kabihu Hembulungu jia-mbuha: na Katàtu, Nahalàlu, Himurungu, Yindala dàngu na Mbetulehimu. Na ngaba tanada nyuda na-hanggaungu hakambulu dàmbu paraingu dàngu da ndeha la winggiru-na. 16Nuda da paraingu dàngu da ndehada ninja la ngaba tana pawua-nja da biliku la kabihu Hembulungu ka tana mangu-danya.
Na ngaba tana pa-panduma-nya na kabihu Ihakàru
17Na pa-beringu papatu wàna jiaya na tana ndumada da biliku la kabihu Ihakàru. 18La ngaba tanada nyuda jia ndàbaha da: Yihireyilu, Kehulutu, Hunimu, 19Haparaïmu, Hiungu, Anaharàtu, 20Rambitu, Kihiungu, Embihu. 21Remitu, Eni-Ngganimu, Eni-Handa dàngu Mbetu-Pahihu. 22Na padira tanada nyuda na-hipitu-ha da: Tamburu, Hahanjima, Mbetu-Hemihu, hi la Luku Yorundangu-ya na kanjupungu ningu. Nu na ngaba tanada nyuda na-hanggaungu hakambulu nomu paraingu dàngu da ndeha la winggiru-da. 23Jia ndàbaha nuda da paraingu dàngu da ndehada la ngaba tana pawua-nja da biliku la kabihu Ihakàru ka tana manguda nyudaha.
Na ngaba tana pa-panduma-nya na kabihu Ahiaru
24Na pa-beringu palima wàna jiaya na tana ndumada da biliku la kabihu Ahiaru. 25Na ngaba tanada nyuda na-hanggau-nja da: Helikàtu, Hali, Mbetingu, Àkahàpu, 26Alameliku, Amàtu, dàngu Mihàlu. Na padira tanada nyuda la patama lodu na hipitu-ya na Palindi Kàramilu dàngu na Luku Lipinàtu. 27Welingu lai nu na-wikitu hanàhu-na la pahunga lodu la Mbetu-Ndanggungu na lola padira-da nyuda, hi namangu pa-hipitu-ya na padira Hembulungu dàngu na Lolangu Yiputa-Elu hanggangu hu dia la Mbetu-Emiku dàngu Nehialu. Hàla hi nahili pangalangu hu dia nu na lola padira hanàhu-na la Kambulu, 28Emburungu, Rehupu, Hamungu, dàngu Kana, lundu la Hindungu-ya na marauna. 29Welingu lai nu na-wikitu hanggangu la Rama nu na lola padira hi na-pangalangu la paraingu Tiruhu, nu na paraingu maningu tindingu-na; tunaka nu nahili wikitu hanggangu la Hoha nu na lola padira hi la Tehiku Padua-ya na kanjupungu ningu. Daa la kuru padira jia ndàbaha da: Mahalàpu, Àkahipu, 30Uma, Apiku dàngu Rehupu. Nggubulu-na na ngaba tanada na-hanggaungu dua kambulu dàmbu paraingu dàngu da ndeha la winggiru-da. 31Nudaha da paraingu dàngu da ndeha la winggiru-da la ngaba tana pawua-nja da biliku la kalibaru kabihu Ahiaru ka tana manguda nyudaha.
Na ngaba tana pa-panduma-nya na kabihu Nàputali
32Na pa-beringu panomu wàna jiaya na tana ndumada da biliku la kalibaru Nàputali. 33Na padira tanada nyuda napiti welingu la Helipu, lundu tàkanja da pingi ai eku la Njaananimu, hi na-pangalangu la Andami-Nekipu, hi la Yàpuneyilu-ya lundu la Lakumu, tunaka nu hi na-kanjupungu la Luku Yorundangu. 34Welingu lai nu na-wikitu hanggangu la patama lodu la Àhunotu-Tamburu na lola padira-na nu na tana, tàka welingu lai nu hanàhu-na la Hukuku. Na ngaba tana yiana na-padirangu dàngu na ngabana la Hembulungu la mbara luru, dàngu na Ahiaru la patama lodu, tàka na padira-na la pahunga lodu jiaya na Luku Yorundangu. 35Da paraingu maningu tindingu-da jiaha yiada: na Njindimu, Heru, Hamàtu, Rakàtu, Kineritu, 36Andama, Rama, Hahuru, 37Kendihu, Endirei, Eni-Hahuru, 38Yirungu, Mikundàlu-Elu, Horimu, Mbetu-Anàtu, dàngu na Mbetu-Hemihu. Nggubulu-na na ngaba tanada nyuda na-hanggaungu hakambulu hiwa mbua paraingu dàngu da ndeha la winggiru-da. 39Da paraingu dàngu nuda da ndehada ninja la ngaba tana pawua-nja da biliku la kabihu Nàputali ka tana mangu-danya.
Na ngaba tana pa-panduma-nya na kabihu Ndàngu
40Na pa-beringu papihu wàna jiaya na tana ndumada da biliku la kabihu banjaru Ndàngu. 41Na ngaba tanada nyuda yiana nahanggau-nja da: Hora, Ehitaülu, Iru-Hemihu, 42Halambingu, Ayalungu, Yitula, 43Elungu, Timuna, Ekurungu, 44Eliteki, Nggimbitungu, Mbaalàtu, 45Yehutu, Mbenimberaku, Nggàta-Rimungu, 46Mei-Yàrukungu, Rakunu, dàngu na ngaba tana la winggiru-na na Yopimbu. 47Da tau la kabihu Ndàngu, na-alingu-ka hawiangu na ngaba tanada#nda da-mandapu-anyapa hawiangu na ngaba tanada; Na pa-tulihu la lawiti Imbarani-na: na ngaba tanada na-àlingu welingu lai nyuda, wàna. Tàka na pa-tulihu la Huratu Matua hilu Indonesia Terjemahan Baru: na ngaba tanada lalu kahukulu-naka, wàna. nyuda, ba tuna lua-danyaka la Lehimu hi dahada-nya nuna na paraingu. Hi dawàhi-ya, da-pameti-ha da mangia-nya, tàka hi da-mandapu-nya nuna na paraingu. Ka ngiangu-danyaka lai nu hi da-pahilu-nya tamuna nu na paraingu Lehimu, parai Ndàngu wàdanya, pa-namatu-nya na tamuna na boku la mangilu-da. 48Da paraingu dàngu da ndehada ninja la ngaba tana pawua-nja da biliku la kabihu Ndàngu ka manguda nyudaha.
Na pa-beringu panjàpu wàna
49Ba nahàla-ka na banjaru Ihirailu papabe - berinya nuna na tana, dawua-nya hangia-na na tana i Yuhua anana i Nungu ka namangu-nya. 50Hama tuna na-pambàda paniina i MIRI la hupu liina, dawua-nyaya na paraingu pakarai-na, nu na Timunàtu-Hera la ma-palindingu la Epuraïmu. Natura beliya nuna na paraingu i Yuhua hi na-ndàdiku lai nu.
51Tuna nuduka ba dapabe - beringu tana la tana nuna i Ratu Eliahàru, i Yuhua anana i Nungu dàngu ba hapajia-ha da liku uru biliku la kabihu - kabihu banjaru Ihirailu ba dawàngu patunya undi la pakarai-ya na lotangu-na i MIRI. Nuna nu dawunda niya la Hilu la pindu Uma Terana i MIRI. Njàpu wàngu-nanyaka nuna na ngera paberi-nya nuna na tana.
@LAI 1995 Indonesian Bible Society (Lembaga Alkitab Indonesia)