2 HAMUILU 8
8
Da ruku taluna i Ndautu la pabera
(1 L Nd. 18:1-17)
1Pi - pirana na rehi la malamiri i Hanganji Ndautu hili kangaburu-nanyaka na tau Pilitingu. Natalu-ha nyuda hi nawàhi-ya na tanada.#Talànga wanguna na-njenjangu ningu-mapa: hi nawàhi-ya na tanada.
2I Ndautu natalu-mbuya na tau Muapu. Na-paràha-nja pa-tanggilungu la tana, hàla hi na-pameti-ha da tau madua welingu la nimbihu tau madua haàtu. Nu ba tuna nyàku-danyaka da tau Muapu lai Ndautu hi dawotu hilu katiku lai nyuna.
3Na pangalangu-na i Ndautu natalu-yaka i Handandehiru, anana i Rehupu na ma-pareta la Homba, na pa-hanganji lihina la Ndamàhiku. La rehi nuna i Handandehiru talànga lakuna pa-palànyapu belinya na kuaha-na la ngaba lihi katiku luku Epuràtu. 4Tau 1.700-ya na tanatara li la njara dàngu 20.000-ya na tanatara li la wihi da pa-tanawa-na i Ndautu. Na pa-kaliparu hàlaha da njara, hinggilu-da hawiangu tuda ndumada da hangahu mbua kareta pabera.
5Na tau Hiria la Ndamàhiku da-paràhangu tanatara pandula-ya i Hanganji Handandehiru. Tàka na nyuna natalu-maha paraïna i Ndautu hi na-pameti-ha da tau 22.000 welingu lai nyuda. 6Tunaka nu i Ndautu hi na-pahadangu maü tanatara la#na-pahadangu maü tanatara la; jàka ndia: na-pamandapu-nja kimunda - kimunda tanatara la. ngabada nyuda, tàka hi danyàku dàngu dawotu hilu katiku lai nyuna. I MIRI nawua mànunya patalu wàngu i Ndautu la nggi bia nalaku ningu pa-pabera.
7Da temingu àmahu rara pawàda da tanatara-na i Handandehiru nawàhi hàlaha i Ndautu hi nangàndi-ha la Yeruhali. 8Hinggilu-da nuda i Ndautu nawàhi-mbu wudu da - dangu welingu la Mbetahu dàngu Mberutaï da paraingu pa-kuaha-na àmangu i Handandehiru.
9I Hanganji Tou welingu la Hamàtu narongu-ya i Ndautu ba natalu pambuta-yaka na tanatara-na i Handandehiru. 10Hàla hi na-palewa-ya i Yoràmu anana la pa-patàka-nya na tambina lai Hanganji Ndautu dàngu la papeka-nya lii pa-ohangu ba jiaya na taluna, nadu i Handandehiru ba nakàli pabera dànya i Tou. I Yoràmu nangàndi padangu àmahu rara, àmahu bara dàngu wudu patàka wotuna lai Ndautu. 11-12I Ndautu nawotu hàlaha lai MIRI nuda da patàka wotungu ka jiaha da pawàngu ba lumungu. Tuna numbu na pawunda-na la banda ma-welingu la àmahu rara dàngu àmahu bara da pambàda wàhina welingu lai Handandehiru dàngu welingu la banjaru pa-pakàku-na, nu da banjaru Endumu, Muapu, Amungu, Pilitingu dàngu Amaliku.
13Hili manaü wuwa-manai na tamuna i Ndautu ba nabeli-ka welingu la pa-pameti-ha da tau 18.000 da tau Endumu la Lolangu Mbàru. 14Na-pahadangu maü tanatara-na#Hamana na ndalaru 6. la nggubulu Endumu, tàka da tau Endumu hi danyàku lai nyuna. I MIRI nawua-nya patalu wàngu i Ndautu la nggi bia na-pabera ningu.
15Tuna nu i Ndautu ba na-katangu pareta la nggubulu Ihirailu dàngu ba narima-manya ka wàngu mamola dàngu mahàmu ba anggaraa-ya na rayatu-na. 16-17Yiada-haka da panggawi bokulu da pawotu-na i Ndautu:
na ngorada da ma-katangu madàka: i Yuàpu anana i Haruya;
na hakaratarihu uma hanganji: i Yuhapàtu anana i Ahilutu;
da ratu: i Handuku anana i Ahitupu dàngu i Ahimeliku anana i Àpuyataru;
na hakaratarihu nanggara: i Haraya;
18na liku uru#Da pa-haleli ndai da manda pirada: na liku uru; la hilu Imbarani-na nda nianya nuna. manggangu wikina na hanganji: i Mbanaya anana i Yuyanda;
da ratu la uma hanganji: da anana mini i Ndautu.
@LAI 1995 Indonesian Bible Society (Lembaga Alkitab Indonesia)