Proverbios 9
9
Ti kjuaxrexinkaon jína tꞌéye̱he̱ chojni
1Ti kjuaxrexinkaon jína mé éxi ijnko nkexro kjuíchꞌéna ndo̱e,
la ko kjuíchꞌéna yato castillo kuènté ti nchia.
2La ko kjuasin ijnko kia la ikꞌuén iko tsochján,
la kꞌóna ti vino tsíkjiko nkehe xraxé náxrjón la kjuákꞌekjen chritaón ti mesa.
3La kꞌue̱tue̱hen tjan ti chojnichjin chꞌexín ixra̱
sátsji̱ chritaón ti ijna̱ imá noi itjen ti chjasin, la itsen tsꞌèya:
4“Xrákira ntihi jahara chojni na̱xa̱ noahñara jína.”
La ko ndáche tjan ti sin tjenka̱yáxinhña jína:
5“Xrákira sintera
la ko itsꞌira ti vino kjui̱tꞌána.”
6Ti̱to̱héra ti kjualo̱nti̱ landá jína tsꞌejora
la ko tsꞌájira ti nti̱a chónta kjuaxrexinkaon chaxín jína.
7Ti chrókjuenduehé ti chojni nduáhya nixja la kjá jehó chrókꞌuándaxíha̱n sin,
o̱ ti chrókjuenduehé chojni imá jie̱he la kjá tsjanoá sin ti jaha.
8Chrokjuenduéhya ti chojni imá tꞌándaxíhan, ti náhí la imá tso̱nínkakohen sin ti jaha.
Ícha jína chrókjuenduehé ti chojni nohe landá a̱ntsí tso̱tjua̱ha sin.
9Tjinki̱tsa ti nkexro nohe la a̱ntsí tso̱nohe.
Tjákohé ti nkexro jína la a̱ntsí tsꞌitja.
10 #
Job 28:28; Sal. 111:10; Pr. 1:7. *Ti kjuaxrexinkaon jína la xránkíxixín ti tjikosayéheni Itꞌéni Díos;
Ti choxián ti nkexro imá tjóá la tsochonta ti kjuaxrexinkaon jína.
11Ti tsjéyá ti kjuaxrexinkaon jína la tíha tsjajon itsjé ña̱o
la ko itsjé nánó tsjakꞌe.
12Ti tso̱noha la tsꞌayéhé ti nkehe jína.
A̱ndá ti tsꞌóna ijnko chojni tjate̱nkíhí la tíha tsjasótexián.
13Ti kjualo̱nti̱ la éxi ijnko chojnichjin imá tꞌóyako
la ko chji̱ñé nixja la noehña ninkehó,
14tjetja̱xi̱n tjan ndója ndo̱e tjan
o̱ tjakꞌetja̱xi̱n tjan ijnko silla chritaón ti ijna̱ imá noi kuènté ti chjasin.
15Tꞌéye̱he̱ tjan ti chojni tꞌatsínka ti nti̱a,
kjónté ixra̱ jína xritꞌejóxín sin,
16la ndáchro tjan: “Xrákira ntihi chojni ndasoá noehña.”
La ko ndáche tjan ti chojni tjenka̱yáxinhña jína:
17“Ti ìnta̱ chrókueé la imá ixé,
la ko ti nio̱tja̱ chrókjonte imó la a̱ntsí náxrjón.”
18Kjánchó noehña sin kixin ntiha tjejó ti ncha̱kuén ti sin tsíkꞌen.
Ti sin kꞌuéye̱he̱ tjan la ó tjejó sin nkaxehen ti tòye̱ ni̱nka tsꞌenxín chojni.
Цяпер абрана:
Proverbios 9: poeNTplus
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.