De Bibel Dise Bibel wort von Kindred Productions un United Bible Societies aun de 2003 rutjejäft. Wäa dise Bibel jedrekjt well haben, sull sikj no www.kindredproductions.com custserv@kindredproductions.com ooda 1-800-545-7322 rechten.

De Bibel

<div class="version vid563 iso6393pdt" data-vid="563" data-iso6393="pdt">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Lazarus stoaft</div><div class="p"> 1Lazarus von Betanien, een Darp wua Maria un Marta wonden, lach krank. #Luk 10,38-39 2Dit wia dee Maria, dee d&#228;m Harn d&#228;n dieren Parfum &#228;wa de Feet goot un met &#228;are Hoa aufdrieejd. Dee &#228;a Brooda Lazarus wia krank. #Joh 12,3 3Doaw&#228;ajen schekjten de Sestren Jesus de Norecht: Har, dee, d&#228;n du goot best, es krank. 4Aus Jesus daut hieed, s&#228;d hee: Dise Krankheit es nich toom Doot. Dee es doatoo doa, daut Gott veharlicht woat, un daut doaderch Gott sien S&#228;n veharlicht woat. #Joh 9,3 5Jesus wia Marta un &#228;are Sesta un Lazarus goot. 6Un doch, aus hee hieed, daut Lazarus krank wia, bleef hee noch twee Doag doa wua hee wia. 7Un dan s&#228;d hee to siene Jinja: Well wie wada no Jud&#228;a gonen! 8De Jinja s&#228;den to am: Liera, daut es noch nich lang trigj, aus dee die vesochten to steenjen, un nu west du wada hangonen? #Joh 10,31 9Jesus s&#228;d: Sent doa nich twalw Stund em Dach? W&#228;a &#228;wadach jeit, stat sikj nich; hee sitt daut Licht en dise Welt. #Joh 9,4-5 10W&#228;a oba enne Nacht jeit, dee stat sikj, wiels hee haft kjeen Licht en sikj. #Joh 12,35</div><div class="p"> 11Aus Jesus dit jesajcht haud, s&#228;d hee to an: Ons Frint Lazarus schlapt, oba ekj go han, am opptowakjen. #Mat 9,24 12Dan s&#228;den de Jinja to am: Har, wan hee schlapt, dan woat daut aul b&#228;ta. 13Jesus haud doamet jesajcht, daut Lazarus jestorwen wia. Oba see dochten, hee meend, daut dee ruich schleep. 14Dan s&#228;d Jesus an daut frie rut: Lazarus es jestorwen. 15Un ekj sie om junt haulwen froo, daut ekj nich doa wia, daut jie kjennen jleewen lieren. Oba nu well wie hangonen! 16Dan s&#228;d Tomas, d&#228;n see uk Zwillinkj nanden, to de aundre Jinja: Well wie uk gonen, daut wie met am stoawen! #Joh 20,24-28</div><div class="s">Jesus es daut L&#228;wen. Lazarus woat vom Doot oppjewakjt</div><div class="p"> 17Aus Jesus hankjeem, haud Lazarus aul vea Doag em Grauf jel&#228;ajen. 18Betanien wia dicht bie Jerusalem, ojjef&#228;a eene haulwe Stund gonen. #11,18 Griechisch 15 Stadien 19Doa wieren v&#228;l Juden no Marta un Maria jekomen, an w&#228;ajen &#228;aren Brooda to treesten.</div><div class="p"> 20Fuaz aus Marta hieed, daut Jesus kjeem, jinkj see am entj&#228;ajen. Maria oba bleef tus setten. 21Marta s&#228;d to Jesus: Har, wan du wieescht hia jewast, wia mien Brooda nich jestorwen. 22Oba ekj weet uk noch, om waut du Gott froagen deist, woat Gott die j&#228;wen. 23Jesus s&#228;d to ar: Dien Brooda saul vom Doot oppstonen. 24Marta s&#228;d to am: Ekj weet goot, daut hee aum jinjsten Dach oppstonen woat, wan de Doodes oppstonen. #Mat 22,23-33; Joh 5,28-29; 6,40 25Jesus s&#228;d to ar: Ekj sie dee, dee de Doodes oppwakjt un daut L&#228;wen jeft. #11,25 Eenje oole Schreften sajen bloos dee de Doodes oppwakjt. W&#228;a aun mie jleeft, woat l&#228;wen, wan hee uk stoaft. 26Un w&#228;a doa l&#228;ft un aun mie jleeft, woat niemols stoawen. Jleefst du daut? #Joh 8,51 27See s&#228;d to am: Jo, Har, ekj jleew, daut du de Christus, Gott sien S&#228;n, best, dee en dise Welt nenn jekomen es. #Mat 16,16</div><div class="p"> 28Un aus see dit jesajcht haud, jinkj see un roopt stell &#228;are Sesta Maria: De Har es hia un roopt die. 29Sooboolt aus Maria daut hieed, stunt see opp un kjeem no am. 30Jesus wia noch nich bat em Darp nenn jekomen, oba wia noch doa, wua Marta am bej&#228;ajent wia. 31Aus de Juden, dee bie Maria em Hus wieren ar to treesten, sagen, daut see bosich oppstunt un rutjinkj, jinjen see ar hinjaraun un s&#228;den: See jeit nom Grauf, om doa to hielen.</div><div class="p"> 32Aus Maria bat doa kjeem, wua Jesus wia, un am sach, kjneed see sikj ver am dol soo aus am auntob&#228;den, un s&#228;d: Har, wan du wieescht hia jewast, wia mien Brooda nich jestorwen. 33Aus Jesus ar hielen sach, un daut de Juden, dee met ar wieren, uk hielden, wort hee en sienem Jeist sea oppjer&#228;acht un am foll daut sea schwoa. #Joh 13,21 34Un hee s&#228;d: Wua hab jie am hanjelajcht? See s&#228;den to am: Har, komm un kjikj! 35Un Jesus hield. 36Dan s&#228;den de Juden: Kjikjt, woo goot hee d&#228;m wia! 37Eenje von an s&#228;den: Kunn dee, dee d&#228;m blinjen de Uagen opmuak, nich waut jedonen haben, daut dis Maun nich jestorwen wia? #Joh 9,7</div><div class="p"> 38Jesus wort noch eemol deep oppjer&#228;acht, un soo kjeem hee nom Grauf. Daut wia eene Heel, un een Steen lach ver daut opne Enj. #Mat 27,60 39Jesus s&#228;d: N&#228;mt d&#228;n Steen wajch! Marta, d&#228;m Dooden siene Sesta, s&#228;d to am: Har, dee stinkjt aul, wiels hee es aul vea Doag doot. 40Jesus s&#228;d to ar: S&#228;d ekj die nich, wan du jleefst, dan wurscht du Gott siene Harlichkjeit seenen? 41Dan neemen see d&#228;n Steen wajch. Un Jesus kjikjt enne Hecht un s&#228;d: Voda, ekj dank die, daut du mie jehieet hast. 42Un ekj weet, daut du mie emma hieescht. Oba w&#228;ajen daut Volkj, daut om mie steit, saj ekj dit, daut see jleewen kjennen, daut du mie jeschekjt hast. #Joh 12,30 43Aus Jesus dit jesajcht haud, roopt hee met eene lude Stemm: Lazarus, komm rut! 44Un de jestorwna Maun kjeem rut, Henj un Feet met Grauf Loakes bewekjelt un een Schweetduak &#228;wa daut Jesecht jebungen. Jesus s&#228;d to an: Leest am aules auf un lot am gonen!</div><div class="p"> 45Un v&#228;le von de Juden, dee jekomen wieren, om Maria to besieekjen, aus see sagen, waut Jesus deed, jleewden aun am.</div><div class="s">Eena saul fa daut Volkj stoawen</div><div class="p"> 46Oba eenje jinjen un vetalden de Faris&#228;a, waut Jesus jedonen haud. 47Dan saumelden de Huagepriesta un Faris&#228;a &#228;aren Rot un s&#228;den: Waut sell wie doonen? Dis Maun deit v&#228;l Wundatieekjens. #Mat 26,3-4 48Wan wie d&#228;m hiamet toch loten, woat aulemaun aun am jleewen, un dan woaren de Reema komen un ons Launt un Lied wajchn&#228;men. 49Kaifas, eena von an, dee daut Joa Huagapriesta wia, s&#228;d to an: Jie weeten &#228;wahaupt nuscht. 50Un jie denkjen uk nich doaraun, daut daut fa ons b&#228;ta sennen wudd, daut een Maun fa daut Volkj wudd stoawen, aus wan daut gaunze Volkj wudd togrunt gonen. #Joh 18,14 51Dit s&#228;d hee nich ut sikj selfst, oba wiels hee daut Joa Huagapriesta wia profezeid hee doamet, daut Jesus fa daut Volkj stoawen wudd. 52Un nich bloos fa daut Volkj, oba uk, daut dee &#228;wa de gaunze Welt vestreide Gotteskjinja wudden toop jebrocht woaren, om aula eent to sennen. #Joh 7,35; 10,16; 1Joh 2,2 53Von d&#228;m Dach aun plonden see, am doot to moaken. 54Doaw&#228;ajen jinkj Jesus nich mea frie em opnen mank de Juden. Hee trock sikj trigj no eene J&#228;ajent dicht aun de Wiltnis, no de Staut Efraim, un bleef doa met siene Jinja. #2Sam 13,23</div><div class="p"> 55Daut judsche Passafast wia dicht bie, un v&#228;le von em Launt jinjen aul ver daut Fast no Jerusalem, sikj to reinjen. #2Chr 30,17-18 56Doa sochten see no Jesus, un aus see em Tempel stunden, fruagen see sikj unjarenaunda: Waut denkj jie? Woat hee &#228;wahaupt nich toom Fast komen? 57Nu hauden de Huagepriesta un de Faris&#228;a d&#228;m Volkj sajen loten, daut wan irjent w&#228;a wist, wua Jesus wia, dan sullen see daut aunmalden, daut see am faust n&#228;men kunnen.</div>
 </div>
 </div>
</div>

Lazarus von Betanien, een Darp wua Maria un Marta wonden, lach krank. Dit wia dee Maria, dee däm Harn dän dieren Parfum äwa de Feet goot un met äare Hoa aufdrieejd. Dee äa Brooda Lazarus wia krank. Doawäajen schekjten de Sestren Jesus de Norecht: Har, dee, dän du goot best, es krank. Aus Jesus daut hieed, säd hee: Dise Krankheit es nich toom Doot. Dee es doatoo doa, daut Gott veharlicht woat, un daut doaderch Gott sien Sän veharlicht woat. Jesus wia Marta un äare Sesta un Lazarus goot. Un doch, aus hee hieed, daut Lazarus krank wia, bleef hee noch twee Doag doa wua hee wia. Un dan säd hee to siene Jinja: Well wie wada no Judäa gonen! De Jinja säden to am: Liera, daut es noch nich lang trigj, aus dee die vesochten to steenjen, un nu west du wada hangonen? Jesus säd: Sent doa nich twalw Stund em Dach? Wäa äwadach jeit, stat sikj nich; hee sitt daut Licht en dise Welt. Wäa oba enne Nacht jeit, dee stat sikj, wiels hee haft kjeen Licht en sikj.
Aus Jesus dit jesajcht haud, säd hee to an: Ons Frint Lazarus schlapt, oba ekj go han, am opptowakjen. Dan säden de Jinja to am: Har, wan hee schlapt, dan woat daut aul bäta. Jesus haud doamet jesajcht, daut Lazarus jestorwen wia. Oba see dochten, hee meend, daut dee ruich schleep. Dan säd Jesus an daut frie rut: Lazarus es jestorwen. Un ekj sie om junt haulwen froo, daut ekj nich doa wia, daut jie kjennen jleewen lieren. Oba nu well wie hangonen! Dan säd Tomas, dän see uk Zwillinkj nanden, to de aundre Jinja: Well wie uk gonen, daut wie met am stoawen!

Aus Jesus hankjeem, haud Lazarus aul vea Doag em Grauf jeläajen. Betanien wia dicht bie Jerusalem, ojjefäa eene haulwe Stund gonen. Doa wieren väl Juden no Marta un Maria jekomen, an wäajen äaren Brooda to treesten.
Fuaz aus Marta hieed, daut Jesus kjeem, jinkj see am entjäajen. Maria oba bleef tus setten. Marta säd to Jesus: Har, wan du wieescht hia jewast, wia mien Brooda nich jestorwen. Oba ekj weet uk noch, om waut du Gott froagen deist, woat Gott die jäwen. Jesus säd to ar: Dien Brooda saul vom Doot oppstonen. Marta säd to am: Ekj weet goot, daut hee aum jinjsten Dach oppstonen woat, wan de Doodes oppstonen. Jesus säd to ar: Ekj sie dee, dee de Doodes oppwakjt un daut Läwen jeft. Wäa aun mie jleeft, woat läwen, wan hee uk stoaft. Un wäa doa läft un aun mie jleeft, woat niemols stoawen. Jleefst du daut? See säd to am: Jo, Har, ekj jleew, daut du de Christus, Gott sien Sän, best, dee en dise Welt nenn jekomen es.
Un aus see dit jesajcht haud, jinkj see un roopt stell äare Sesta Maria: De Har es hia un roopt die. Sooboolt aus Maria daut hieed, stunt see opp un kjeem no am. Jesus wia noch nich bat em Darp nenn jekomen, oba wia noch doa, wua Marta am bejäajent wia. Aus de Juden, dee bie Maria em Hus wieren ar to treesten, sagen, daut see bosich oppstunt un rutjinkj, jinjen see ar hinjaraun un säden: See jeit nom Grauf, om doa to hielen.
Aus Maria bat doa kjeem, wua Jesus wia, un am sach, kjneed see sikj ver am dol soo aus am auntobäden, un säd: Har, wan du wieescht hia jewast, wia mien Brooda nich jestorwen. Aus Jesus ar hielen sach, un daut de Juden, dee met ar wieren, uk hielden, wort hee en sienem Jeist sea oppjeräacht un am foll daut sea schwoa. Un hee säd: Wua hab jie am hanjelajcht? See säden to am: Har, komm un kjikj! Un Jesus hield. Dan säden de Juden: Kjikjt, woo goot hee däm wia! Eenje von an säden: Kunn dee, dee däm blinjen de Uagen opmuak, nich waut jedonen haben, daut dis Maun nich jestorwen wia?
Jesus wort noch eemol deep oppjeräacht, un soo kjeem hee nom Grauf. Daut wia eene Heel, un een Steen lach ver daut opne Enj. Jesus säd: Nämt dän Steen wajch! Marta, däm Dooden siene Sesta, säd to am: Har, dee stinkjt aul, wiels hee es aul vea Doag doot. Jesus säd to ar: Säd ekj die nich, wan du jleefst, dan wurscht du Gott siene Harlichkjeit seenen? Dan neemen see dän Steen wajch. Un Jesus kjikjt enne Hecht un säd: Voda, ekj dank die, daut du mie jehieet hast. Un ekj weet, daut du mie emma hieescht. Oba wäajen daut Volkj, daut om mie steit, saj ekj dit, daut see jleewen kjennen, daut du mie jeschekjt hast. Aus Jesus dit jesajcht haud, roopt hee met eene lude Stemm: Lazarus, komm rut! Un de jestorwna Maun kjeem rut, Henj un Feet met Grauf Loakes bewekjelt un een Schweetduak äwa daut Jesecht jebungen. Jesus säd to an: Leest am aules auf un lot am gonen!
Un väle von de Juden, dee jekomen wieren, om Maria to besieekjen, aus see sagen, waut Jesus deed, jleewden aun am.

Oba eenje jinjen un vetalden de Farisäa, waut Jesus jedonen haud. Dan saumelden de Huagepriesta un Farisäa äaren Rot un säden: Waut sell wie doonen? Dis Maun deit väl Wundatieekjens. Wan wie däm hiamet toch loten, woat aulemaun aun am jleewen, un dan woaren de Reema komen un ons Launt un Lied wajchnämen. Kaifas, eena von an, dee daut Joa Huagapriesta wia, säd to an: Jie weeten äwahaupt nuscht. Un jie denkjen uk nich doaraun, daut daut fa ons bäta sennen wudd, daut een Maun fa daut Volkj wudd stoawen, aus wan daut gaunze Volkj wudd togrunt gonen. Dit säd hee nich ut sikj selfst, oba wiels hee daut Joa Huagapriesta wia profezeid hee doamet, daut Jesus fa daut Volkj stoawen wudd. Un nich bloos fa daut Volkj, oba uk, daut dee äwa de gaunze Welt vestreide Gotteskjinja wudden toop jebrocht woaren, om aula eent to sennen. Von däm Dach aun plonden see, am doot to moaken. Doawäajen jinkj Jesus nich mea frie em opnen mank de Juden. Hee trock sikj trigj no eene Jäajent dicht aun de Wiltnis, no de Staut Efraim, un bleef doa met siene Jinja.
Daut judsche Passafast wia dicht bie, un väle von em Launt jinjen aul ver daut Fast no Jerusalem, sikj to reinjen. Doa sochten see no Jesus, un aus see em Tempel stunden, fruagen see sikj unjarenaunda: Waut denkj jie? Woat hee äwahaupt nich toom Fast komen? Nu hauden de Huagepriesta un de Farisäa däm Volkj sajen loten, daut wan irjent wäa wist, wua Jesus wia, dan sullen see daut aunmalden, daut see am faust nämen kunnen.

Listen to Johanes 11