New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">'Ilhunuh ts'eke Samaria yun k'ut whut'en, 'en Sizi ndi 'ilhuz wheni be ts'ukhuna 'i bugha yulh y&#225;lhtuk.</div><div class="p"> 1'Et ndunnah Pharisee hiyulh &#250;dits'o hoh 'uh&#237;yulhni, &#8220;Sizi 'en John degha nus lhanah dune chah yugha hoodul'eh suli, 'ink'ez dune too be' &#250;lh'en chah 'ut'en,&#8221; hutni. 2'Et whunts'ih 'alha Sizi 'aw dich'oh ilah dune too be' bulh'en, yugha hoodul'eh, 'en zeh 'uhut'en. 3'Et neMoodihti whulh &#250;duzts'ai 'aw 'et Judea yun k'ut whuch'a nasja 'ink'ez Galilee yun k'ut ts'ih natesja. 4'Et nadalh hoh Samaria yun k'ut hoh lhun&#225;tedalh, 5'ink'ez Samaria yun k'ut keyah Sychar huwh&#250;tni ts'ih ninya. Njan keyah 'et yun k'ut Jacob buye' Joseph yugha &#243;oni'ai &#237;nle, 'et wheghah whuz'ai. 6'Et Jacob too k'et 'uh&#243;onla, 'et whuz'ai. 'Et Sizi tube sa nus&#233;ya 'ink'ez nin&#233;ntsai, 'et huwa too k'et whuzih 'et n&#225;tl'adeda. 'Et 6:00 'uh&#250;net'oh hoh 'ut'en. 7'Et usda hoh 'ilhunuh ts'eke, Samaria whut'en, 'en too k&#233;ya. 'Et Sizi ndi y&#250;lhni, &#8220;Too sugha n&#237;nkaih!&#8221; y&#250;lhni. 8Dich'oh zeh 'int'ah, yugha hoodul'eh keyah ts'ih ts'iyi hootekulh ts'ih wheh&#225;ndel 'et huwa. 9'Et ndun Samaria ts'eke 'en 'uy&#250;lhni, &#8220;Nyun Lizwif 'int'ah 'ink'ez si Samaria ts'eke 'ust'ah, 'ink'ez di ka dini too suts'un ka' dini?&#8221; Lizwif, 'en Samaria whut'en 'aw buka cha'hun&#237;zun 'et huwa 'utni. 10'Et Sizi ndi y&#250;lhni, &#8220;Ndi Yak'usda huwa &#237;ni'ai, 'i soo cho t'eninzun t'eh, 'ink'ez ndun 'utni nyulh y&#225;lhtuk hoh too nts'u ka 'utni, 'en t'en&#237;nzun t'eh, 'et nyun 'uda oodolhkut 'ink'ez ndai too bugha hiye khuna, 'i da nugh&#225; yoolhdzeh inle,&#8221; y&#250;lhni. 11'Et ndun ts'eke ndi y&#250;lhni, &#8220;Nyun 'aw be ta'&#243;nkalh 'i cha&#237;nt'ih, 'ink'ez njan too k'et n&#225;dalhdzat, nts'e na'a ndi too be ts'&#250;khuna, 'i be '&#250;tankalh? 12Netsuh whudelhdzulh Jacob 'en njan too k'et negha &#243;oni'ai. Didut, buye'kah, 'ink'ez bughunai teh, njan too k'et 'et too hutnai &#237;nle, 'et huwa nyun buba nus incha ninzun ih?&#8221; y&#250;lhni. 13'Et Sizi ndi y&#250;lhni, &#8220;Ndunnah njan too k'et too utnai, doo chah zeh ta'h&#243;osde hulhih, 14'et whunts'ih ndunnah too bugha &#237;telhdzoh, 'i hiyetnai t'eh, 'aw 'o 'at ta'h&#243;de gha&#237;t'ah. Ndun ndi too bugha &#237;nulhdze, 'i too 'ahoolhyez ninli 'int'ah, 'i be 'ahoolhyez wheni hukhutena,&#8221; y&#250;lhni. 15'Et ts'eke ndi y&#250;lhni, &#8220;Hoh ndi too 'ud&#237;ni 'i sugha n&#237;lhdzeh, 'et huwa 'aw 'o 'un tacha'ootuzesde 'ink'ez 'aw 'o 'at njan too ooskalh gha&#237;t'ah.&#8221; 16&#8220;Nki 'anih d&#237;ni 'ink'ez 'en bulh dez n&#225;ht'us,&#8221; y&#250;lhni Sizi. 17'Et ts'eke 'utni, &#8220;Aw suki hoolah hoh 'ust'ah.&#8221; 'Et Sizi ndi y&#250;lhni, &#8220;Soo' dini! Ts'ah'un na'a sud&#237;ni, 'aw nki chah hoolah dini. 18T'&#233;oon&#250;szun skwunlanah nkikah inle, 'ink'ez k'an bughu sinda, 'en chah 'aw nki ilah 'int'ah. 'Et ts'ah'un na'a 'udenja,&#8221; y&#250;lhni. 19'Et ts'eke ndi y&#250;lhni, &#8220;Nyun nus whunilh'en tuli' nint'ah? 20Netsuh whudelhdzulh, 'en ndi dzulh k'ut 'et teni 'uhunilhzun &#237;nle. 'Et nuhwheni 'ud&#250;hni Jerusalem 'et 'ilhun whuz'ai, 'et dune teni 'uhunoolhzin huba 'uhoont'ah,&#8221; y&#250;lhni. 21'Et Sizi ndi y&#250;lhni, &#8220;Mba 'alha 'udoosni, 'ilhudzin dez wh&#233;lts'ulh hoh 'uhoont'ah, 'aw ndi dzulh k'ut k'us Jerusalem 'et zeh ilah Yak'usda 'en buts'u t&#233;ni 'untelhdzin hoh 'uhoont'ah. 22Nuhwheni ndai buts'un t&#233;ni 'unulhdzun 'i 'aw nuhwheni be t'enuz&#250;hzun. Wheni ndun buts'u t&#233;ni 'uznilhzun t'ezninzun, Lizwif, 'en hubula tah ts'ih zeh dune hudutejih 'et huwa. 23Ndet whuz de wh&#250;dezulh k'an 'et huba 'uhoont'ah, ts'ah'un na'a teni 'uhunilhzun soo ndzi ndulhcho 'i be ts'ah'un na'a Yak'usda hits'un t&#233;ni 'uhunoolhzin wheni. 'En ndunt'ah, 'en Yak'usda buka' ninzun buts'u t&#233;ni 'uhunoolhzin ka. 24Yak'usda 'en nud&#250;deh 'i unli ho' 'int'ah. 'Ink'ez ndunnah hits'un t&#233;ni' hunilhzun, 'en ts'ah'un na'a buy&#233;gha be hits'un teni 'unoolhdzin huba' hoont'ah,&#8221; y&#250;lhni. 25'Et ndan ts'eke ndi y&#250;lhni, &#8220;T'&#233;oon&#250;szun ndan Messiah whusat&#233;yalh, ndan Christ hiy&#250;lhni, 'en whusa&#237;nya t'eh, dutsuk newhuntelhtun.&#8221; 26'Et Sizi ndi y&#250;lhni, &#8220;K'an 'et ndan nyulh y&#225;lhtuk, 'en si usdli hoh 'ust'ah.&#8221; 27Soo 'et ndutni 'aw 'et 'ustl'e' 'udeja hoh, yugha hoodul'eh whusan&#225;hedel. Tube huba hooncha Sizi ndun ts'eke 'en yulh y&#225;lhtuk, 'et whunts'ih 'aw 'ilhunuh nts'ih chahiyoodulhkut, &#8220;Di ka ndun ts'eke 'en bulh ya&#237;lhtuk?&#8221; k'us, &#8220;Ndet 'et nahoote'alh?&#8221; chahid&#237;nil. 28'Et ndun ts'eke too ye kuya 'i chah 'aw 'et n&#237;nin'ai 'ink'ez keyah ts'ih when&#225;ja. 'Et dune ts'iyawh nd&#243; bulhni, 29&#8220;Anih! Ndun dune noolh'en si! Nts'oh tula n&#233;'zust'en inle, ts'iyawh ndus&#250;lhni. 'En tulih Christ 'int'ah?&#8221; hub&#250;lhni. 30'Et huwa soo ts'iyannah keyah ts'ih hah&#225;ndel 'ink'ez Sizi highu nindel. 31'Et ho da yugha hoodul'eh 'uy&#250;lhni, &#8220;Rabbi, na'int'alh!&#8221; 32'Et Sizi ndo b&#250;lhni, &#8220;Uda ndi ts'iyi 'aw nuhwheni t'enuzuhzun, 'i &#250;st'i.&#8221; 33'Et yugha hoodul'eh dich'oh '&#250;lhodutni, &#8220;Uyoon dune yut&#233;'alh 'i yuba whusay&#225;nla ho tulih ni?&#8221; 34'Et Sizi ndo b&#250;lhni, &#8220;Ndun whuz de sutelh'a, ndet suts'u h&#250;kwa' ninzun, hoh tune'&#243;ost'en 'ink'ez be 'ut'en lhad&#243;osdleh huba 'uhoont'ah. Ndi 'i zeh suts'eyi 'int'ah. 35'Awhuz dink'i sanun whuz'ai, tl'o 'utelilh whuts'un. 'Et whunts'ih 'un whudusni hoh soo z&#233;lhts'ai, soo cho nuhwhuna be whunulh'en. Tl'o k'ut 'aw 'et whudezgi tl'o 'utenilh huba. 36Ndan whut'as, 'en huba k'elha h&#243;le, 'ink'ez ndan 'ilhodughulhdzeh 'en, 'et ndunnah 'ilhunabughesdle, 'en 'ilhuz w&#250;le hiye kh&#250;na, 'i bugha it&#233;lts'ulh. 'Et huwa ndan 'a'nule 'ink'ez ndan 'ilhodughulhdzeh, nah&#250;lt'ah 'en h&#243;ntelhnik. 37'Et whuz na'a daja ni 'alha 'utni, &#8216;'Ilhunuh dune 'en whuye' nule 'ink'ez 'uyoon dune 'en ha' nule.&#8217; 'Et ndi 'utni 'i 'alha 'uhoont'ah. 38'Aw whutsah da cha'z&#225;ht'en 'et whunts'ih whet&#233;lh'a na'oolhdzooh wheni. Whuz whutsuh da 'uyoon suba 'et'en &#237;nle. 'Et k'an nuhli whus&#225;hdel 'ink'ez 'uyoon ha' nanla 'et ha' nilhla,&#8221; hub&#250;lhni. 39'Et ndun ts'eke, njan keyah whut'en, 'en ts'iyannah hubud&#225;ni, &#8220;Dast'en inle, ts'iyawh ndus&#250;lhni,&#8221; ni. 'Et huwa 'en bughunek bugha lhannah Samaria whut'en huba 'alha' yint'ah suli. 40'Et huwa Samaria whut'en dune Sizi highu nindel hoh hubuzih &#243;nda hiy&#250;lhni. 'Et huwa nat dzin 'et hubuzih inda. 41Bughunek 'i bugha tube 'o nus un&#233;ltsuk, 'en bugha hububa 'alha 'uhoont'ah. 42'Et ndun ts'eke 'uhiy&#250;lhni, &#8220;Aw nyun nghunek 'i bugha zeh ilah neba 'alha' 'int'ah, whenich'oh bughunek ts'ud&#225;nts'o. 'I bugha 'alha ndun 'en dune telhyis wheni, Christ, 'en ndi yun k'einya t'ets'onanzin,&#8221; hiy&#250;lhni. 43Nat dzin inle hoh Sizi Galilee yun k'ut ts'ih wh&#233;nya, 44'ink'ez dich'oh hoh nd&#250;tni, &#8220;Yak'usda be nus wh&#250;nilh'en dich'oh dukeyah inda, 'et whunts'ih, 'aw chahid&#237;lhti,&#8221; ni. 45'Et Galilee yun k'ut ts'ih hainya hoh ndunnah Galilee whut'en 'en dune tube huh&#243;ont'i hubughu ninya. Didut chah Jerusalem dzenis whuti nduh&#243;olyez hoh 'et 'uhet'en 'ink'ez Sizi hinilh'en hoh hubunalh hooncha t&#250;ne' 'ust'en. 46'Et doo chah Sizi Galilee yun k'ut, keyah Cana huwh&#250;tni ts'ih lhun&#225;sja. 'Et 'uja too, 'i mai too yulhtsi &#237;nle. 'Et 'ilhunuh dune keyah dune tsuh whud&#233;lhdzulh buye' tube &#250;nduda keyah Capernaum huwh&#250;tni 'et. 47'Et Sizi Judea yun k'ut ts'ih ha&#237;nya 'ink'ez Galilee yun k'ut whuz tezya, 'et whulh &#250;duzts'ai hoh yuts'un ninya, Capernaum ts'ih dudulh n&#225;toot'as buye' 'aw 'et dat&#233;tsah, 'en soo n&#225;'yooleh, 'et hukwa yuts'un tedudlih. 48'Et Sizi ndi y&#250;lhni, &#8220;Nyunalh huwa 'int'en tune' 'ust'en 'ink'ez hooncha tune' '&#250;st'en t'eh, 'et t'eh zeh mba 'alha 'oost'e.&#8221; 49'Et ndun keyah dune tsuh whud&#233;lhdzulh ndi y&#250;lhni, &#8220;Sumoodih 'anih soo 'a! Siyaz dat&#233;tsah whutsah da!&#8221; 50'Et Sizi ndi y&#250;lhni, &#8220;Naindalh, nye' khuna.&#8221; 'Et ndun dune daja yulhni, Sizi yuba 'alha deja 'ink'ez when&#225;ja. 51'Awhuz bukoo whuts'un n&#225;dalh hoh, be' ustle hidudezdel 'ink'ez, &#8220;Nye' khuna,&#8221; hiy&#250;lhni. 52'Et huboodulhkut, &#8220;Soo nts'oh da whud&#233;zulh hoh soo na'uja?&#8221; 'Et hiy&#250;lhni, &#8220;Hulhda 7:00 'uhunit'oh hoh ndi dada buts'u ha&#237;delts'ut.&#8221; 53'Et ndun dune t'ewhun&#237;nzun soo hoh wheghah whezulh hoh Sizi ndi y&#250;lhni, &#8220;Nye' khuna.&#8221; 'Et didut 'ink'ez 'on ghoh 'int'ah tubulh, ts'iyawh Sizi bugha hububa 'alha' yint'ah suli. 54'Et Judea yun k'ut ts'ih ha&#237;nya 'ink'ez Galilee yun k'ut 'et ninya hoh whulh nat 'i yun k'ut Sizi hooncha tune' 'ust'en.</div>
 </div>
 </div>
</div>

'Et ndunnah Pharisee hiyulh údits'o hoh 'uhíyulhni, “Sizi 'en John degha nus lhanah dune chah yugha hoodul'eh suli, 'ink'ez dune too be' úlh'en chah 'ut'en,” hutni. 'Et whunts'ih 'alha Sizi 'aw dich'oh ilah dune too be' bulh'en, yugha hoodul'eh, 'en zeh 'uhut'en. 'Et neMoodihti whulh úduzts'ai 'aw 'et Judea yun k'ut whuch'a nasja 'ink'ez Galilee yun k'ut ts'ih natesja. 'Et nadalh hoh Samaria yun k'ut hoh lhunátedalh, 'ink'ez Samaria yun k'ut keyah Sychar huwhútni ts'ih ninya. Njan keyah 'et yun k'ut Jacob buye' Joseph yugha óoni'ai ínle, 'et wheghah whuz'ai. 'Et Jacob too k'et 'uhóonla, 'et whuz'ai. 'Et Sizi tube sa nuséya 'ink'ez ninéntsai, 'et huwa too k'et whuzih 'et nátl'adeda. 'Et 6:00 'uhúnet'oh hoh 'ut'en. 'Et usda hoh 'ilhunuh ts'eke, Samaria whut'en, 'en too kéya. 'Et Sizi ndi yúlhni, “Too sugha nínkaih!” yúlhni. Dich'oh zeh 'int'ah, yugha hoodul'eh keyah ts'ih ts'iyi hootekulh ts'ih whehándel 'et huwa. 'Et ndun Samaria ts'eke 'en 'uyúlhni, “Nyun Lizwif 'int'ah 'ink'ez si Samaria ts'eke 'ust'ah, 'ink'ez di ka dini too suts'un ka' dini?” Lizwif, 'en Samaria whut'en 'aw buka cha'hunízun 'et huwa 'utni. 'Et Sizi ndi yúlhni, “Ndi Yak'usda huwa íni'ai, 'i soo cho t'eninzun t'eh, 'ink'ez ndun 'utni nyulh yálhtuk hoh too nts'u ka 'utni, 'en t'enínzun t'eh, 'et nyun 'uda oodolhkut 'ink'ez ndai too bugha hiye khuna, 'i da nughá yoolhdzeh inle,” yúlhni. 'Et ndun ts'eke ndi yúlhni, “Nyun 'aw be ta'ónkalh 'i chaínt'ih, 'ink'ez njan too k'et nádalhdzat, nts'e na'a ndi too be ts'úkhuna, 'i be 'útankalh? Netsuh whudelhdzulh Jacob 'en njan too k'et negha óoni'ai. Didut, buye'kah, 'ink'ez bughunai teh, njan too k'et 'et too hutnai ínle, 'et huwa nyun buba nus incha ninzun ih?” yúlhni. 'Et Sizi ndi yúlhni, “Ndunnah njan too k'et too utnai, doo chah zeh ta'hóosde hulhih, 'et whunts'ih ndunnah too bugha ítelhdzoh, 'i hiyetnai t'eh, 'aw 'o 'at ta'hóde ghaít'ah. Ndun ndi too bugha ínulhdze, 'i too 'ahoolhyez ninli 'int'ah, 'i be 'ahoolhyez wheni hukhutena,” yúlhni. 'Et ts'eke ndi yúlhni, “Hoh ndi too 'udíni 'i sugha nílhdzeh, 'et huwa 'aw 'o 'un tacha'ootuzesde 'ink'ez 'aw 'o 'at njan too ooskalh ghaít'ah.” “Nki 'anih díni 'ink'ez 'en bulh dez náht'us,” yúlhni Sizi. 'Et ts'eke 'utni, “Aw suki hoolah hoh 'ust'ah.” 'Et Sizi ndi yúlhni, “Soo' dini! Ts'ah'un na'a sudíni, 'aw nki chah hoolah dini. T'éoonúszun skwunlanah nkikah inle, 'ink'ez k'an bughu sinda, 'en chah 'aw nki ilah 'int'ah. 'Et ts'ah'un na'a 'udenja,” yúlhni. 'Et ts'eke ndi yúlhni, “Nyun nus whunilh'en tuli' nint'ah? Netsuh whudelhdzulh, 'en ndi dzulh k'ut 'et teni 'uhunilhzun ínle. 'Et nuhwheni 'udúhni Jerusalem 'et 'ilhun whuz'ai, 'et dune teni 'uhunoolhzin huba 'uhoont'ah,” yúlhni. 'Et Sizi ndi yúlhni, “Mba 'alha 'udoosni, 'ilhudzin dez whélts'ulh hoh 'uhoont'ah, 'aw ndi dzulh k'ut k'us Jerusalem 'et zeh ilah Yak'usda 'en buts'u téni 'untelhdzin hoh 'uhoont'ah. Nuhwheni ndai buts'un téni 'unulhdzun 'i 'aw nuhwheni be t'enuzúhzun. Wheni ndun buts'u téni 'uznilhzun t'ezninzun, Lizwif, 'en hubula tah ts'ih zeh dune hudutejih 'et huwa. Ndet whuz de whúdezulh k'an 'et huba 'uhoont'ah, ts'ah'un na'a teni 'uhunilhzun soo ndzi ndulhcho 'i be ts'ah'un na'a Yak'usda hits'un téni 'uhunoolhzin wheni. 'En ndunt'ah, 'en Yak'usda buka' ninzun buts'u téni 'uhunoolhzin ka. Yak'usda 'en nudúdeh 'i unli ho' 'int'ah. 'Ink'ez ndunnah hits'un téni' hunilhzun, 'en ts'ah'un na'a buyégha be hits'un teni 'unoolhdzin huba' hoont'ah,” yúlhni. 'Et ndan ts'eke ndi yúlhni, “T'éoonúszun ndan Messiah whusatéyalh, ndan Christ hiyúlhni, 'en whusaínya t'eh, dutsuk newhuntelhtun.” 'Et Sizi ndi yúlhni, “K'an 'et ndan nyulh yálhtuk, 'en si usdli hoh 'ust'ah.” Soo 'et ndutni 'aw 'et 'ustl'e' 'udeja hoh, yugha hoodul'eh whusanáhedel. Tube huba hooncha Sizi ndun ts'eke 'en yulh yálhtuk, 'et whunts'ih 'aw 'ilhunuh nts'ih chahiyoodulhkut, “Di ka ndun ts'eke 'en bulh yaílhtuk?” k'us, “Ndet 'et nahoote'alh?” chahidínil. 'Et ndun ts'eke too ye kuya 'i chah 'aw 'et nínin'ai 'ink'ez keyah ts'ih whenája. 'Et dune ts'iyawh ndó bulhni, “Anih! Ndun dune noolh'en si! Nts'oh tula né'zust'en inle, ts'iyawh ndusúlhni. 'En tulih Christ 'int'ah?” hubúlhni. 'Et huwa soo ts'iyannah keyah ts'ih hahándel 'ink'ez Sizi highu nindel. 'Et ho da yugha hoodul'eh 'uyúlhni, “Rabbi, na'int'alh!” 'Et Sizi ndo búlhni, “Uda ndi ts'iyi 'aw nuhwheni t'enuzuhzun, 'i úst'i.” 'Et yugha hoodul'eh dich'oh 'úlhodutni, “Uyoon dune yuté'alh 'i yuba whusayánla ho tulih ni?” 'Et Sizi ndo búlhni, “Ndun whuz de sutelh'a, ndet suts'u húkwa' ninzun, hoh tune'óost'en 'ink'ez be 'ut'en lhadóosdleh huba 'uhoont'ah. Ndi 'i zeh suts'eyi 'int'ah. 'Awhuz dink'i sanun whuz'ai, tl'o 'utelilh whuts'un. 'Et whunts'ih 'un whudusni hoh soo zélhts'ai, soo cho nuhwhuna be whunulh'en. Tl'o k'ut 'aw 'et whudezgi tl'o 'utenilh huba. Ndan whut'as, 'en huba k'elha hóle, 'ink'ez ndan 'ilhodughulhdzeh 'en, 'et ndunnah 'ilhunabughesdle, 'en 'ilhuz wúle hiye khúna, 'i bugha itélts'ulh. 'Et huwa ndan 'a'nule 'ink'ez ndan 'ilhodughulhdzeh, nahúlt'ah 'en hóntelhnik. 'Et whuz na'a daja ni 'alha 'utni, ‘'Ilhunuh dune 'en whuye' nule 'ink'ez 'uyoon dune 'en ha' nule.’ 'Et ndi 'utni 'i 'alha 'uhoont'ah. 'Aw whutsah da cha'záht'en 'et whunts'ih whetélh'a na'oolhdzooh wheni. Whuz whutsuh da 'uyoon suba 'et'en ínle. 'Et k'an nuhli whusáhdel 'ink'ez 'uyoon ha' nanla 'et ha' nilhla,” hubúlhni. 'Et ndun ts'eke, njan keyah whut'en, 'en ts'iyannah hubudáni, “Dast'en inle, ts'iyawh ndusúlhni,” ni. 'Et huwa 'en bughunek bugha lhannah Samaria whut'en huba 'alha' yint'ah suli. 'Et huwa Samaria whut'en dune Sizi highu nindel hoh hubuzih ónda hiyúlhni. 'Et huwa nat dzin 'et hubuzih inda. Bughunek 'i bugha tube 'o nus unéltsuk, 'en bugha hububa 'alha 'uhoont'ah. 'Et ndun ts'eke 'uhiyúlhni, “Aw nyun nghunek 'i bugha zeh ilah neba 'alha' 'int'ah, whenich'oh bughunek ts'udánts'o. 'I bugha 'alha ndun 'en dune telhyis wheni, Christ, 'en ndi yun k'einya t'ets'onanzin,” hiyúlhni. Nat dzin inle hoh Sizi Galilee yun k'ut ts'ih whénya, 'ink'ez dich'oh hoh ndútni, “Yak'usda be nus whúnilh'en dich'oh dukeyah inda, 'et whunts'ih, 'aw chahidílhti,” ni. 'Et Galilee yun k'ut ts'ih hainya hoh ndunnah Galilee whut'en 'en dune tube huhóont'i hubughu ninya. Didut chah Jerusalem dzenis whuti nduhóolyez hoh 'et 'uhet'en 'ink'ez Sizi hinilh'en hoh hubunalh hooncha túne' 'ust'en. 'Et doo chah Sizi Galilee yun k'ut, keyah Cana huwhútni ts'ih lhunásja. 'Et 'uja too, 'i mai too yulhtsi ínle. 'Et 'ilhunuh dune keyah dune tsuh whudélhdzulh buye' tube únduda keyah Capernaum huwhútni 'et. 'Et Sizi Judea yun k'ut ts'ih haínya 'ink'ez Galilee yun k'ut whuz tezya, 'et whulh úduzts'ai hoh yuts'un ninya, Capernaum ts'ih dudulh nátoot'as buye' 'aw 'et datétsah, 'en soo ná'yooleh, 'et hukwa yuts'un tedudlih. 'Et Sizi ndi yúlhni, “Nyunalh huwa 'int'en tune' 'ust'en 'ink'ez hooncha tune' 'úst'en t'eh, 'et t'eh zeh mba 'alha 'oost'e.” 'Et ndun keyah dune tsuh whudélhdzulh ndi yúlhni, “Sumoodih 'anih soo 'a! Siyaz datétsah whutsah da!” 'Et Sizi ndi yúlhni, “Naindalh, nye' khuna.” 'Et ndun dune daja yulhni, Sizi yuba 'alha deja 'ink'ez whenája. 'Awhuz bukoo whuts'un nádalh hoh, be' ustle hidudezdel 'ink'ez, “Nye' khuna,” hiyúlhni. 'Et huboodulhkut, “Soo nts'oh da whudézulh hoh soo na'uja?” 'Et hiyúlhni, “Hulhda 7:00 'uhunit'oh hoh ndi dada buts'u haídelts'ut.” 'Et ndun dune t'ewhunínzun soo hoh wheghah whezulh hoh Sizi ndi yúlhni, “Nye' khuna.” 'Et didut 'ink'ez 'on ghoh 'int'ah tubulh, ts'iyawh Sizi bugha hububa 'alha' yint'ah suli. 'Et Judea yun k'ut ts'ih haínya 'ink'ez Galilee yun k'ut 'et ninya hoh whulh nat 'i yun k'ut Sizi hooncha tune' 'ust'en.

Listen to John 4