Awajun New Testament Drama ℗ 2013 Hosanna

Awajun - 2013 Edition (NT) Drama

<div class="version vid515 iso6393agr" data-vid="515" data-iso6393="agr">
 <div class="book bkJHN">
 <div class="chapter ch20" data-usfm="JHN.20">
 <div class="label">20</div><div class="s">Jes&#250;s nantakbau</div><div class="r">(Mt. 28.1-10; Mr. 16.1-8; Lc. 24.1-12)</div><div class="p"> 1Tumig tsawaju ai, Mar&#237;a magdalanmaya kashikmas, suwe aig Jes&#250;s ukusbaunum weuwai, nunikm&#225; kaya aputukbau ekekam atatman wainkauwai; 2nunik tupikaki, Sim&#243;n Pedro tikich Jesusa jintintaiji anetaijiya nu pujamunum weuwai, nunik jegawag: &#8212;Iina Apujin ukusagma nunak jukiaje, tujash dekatsji tuwig ukusaje, tusag ujaidau.</div><div class="p"> 3Tusa ujakajam Pedro tikich Jesusa jintintaijiya nujai ukusbaun diisagtatus weajui. 4Nunik mai tupikaidau, tujash tikich jintintaiya nu Pedro nagkaesau tupikau asa, niiy&#225; eemak Jes&#250;s ukusbaunum jegantui; 5nunik teken&#225; diikm&#225;, im&#225; jaanchnak wainkauwai, tujash nigka wayachui. 6Nuniai Sim&#243;n Pedroshkam niina ukujin tantauwai, nunik Jes&#250;s ukusbaunum wayaa, diikm&#225; im&#225; jaanch aidauk atatman wainkauwai, 7nuigtushkam Jesusa buuk&#233; jaanchi pempenjamu ajakua duka, iyash&#237; pempeagbauwa nujaig ijunag achau, kanak&#225; pempeajam tepaun wainkauwai. 8Nuniai tikich jintintai ukumatainum eemak tantauwa dushakam wayauwai, nunikm&#225; wainak, dekaskeapi tiuwai. 9Ditak Apaju&#237; chichamen agagbaunum: Jesusak maamash atakt&#250; nantaktinai tibauwa nunak anenachu. 10Nuna dutika diisag jintintaiji aina duka dit&#225; jeen wakitkiajui.</div><div class="s">Jes&#250;s Mar&#237;a Magdalanmaya wantintukbau</div><div class="r">(Mt. 28.1-10; Mr. 16.9-11; Lc. 24.10)</div><div class="p"> 11Tujash Mariak agaa Jes&#250;s ukusbaunum buut&#250; wajau; nunik buutkabaikia Jes&#250;s ukusbaun tekenas diikm&#225;, 12jimag &#225;ngel pujun nugkuaju aidau Jesusa iyash&#237; ukukbau aajakua nui chaiknum makichik eketai, tikich dawenmanini ekeemtatman wainkauwai. 13Dutikam &#225;ngel aidau iniinak: &#8212;Nuwah, &#191;wagka buutme? Tau. Tama ni ayaak: &#8212;Mina Apujun jukiaje, tujash tuwig ukusaje nuna dekachu asan butjai, tiuwai.</div><div class="p"> 14Nuna tusa ayampakm&#225; Jes&#250;s nui wajattaman wainkauwai, tujash dekaachui niimpapita tusag. 15Nunitai Jes&#250;s iniak. &#8212;Nuwah, &#191;wagka buutme? &#191;Yaa egame? tau.</div><div class="p">Tama nigka, ajak ajakbauwa nuna kuitamnuskaitai tau asa: &#8212;Apuh, ame jukiuwaitkumek, tuw&#237; ukusmaume nu ujatkata, wi jukitjai, tau.</div><div class="p"> 16Tutai Jes&#250;s ayaak: &#8212;&#161;Mariah! tiuwai. Tama ayampatua diikm&#225; Jesusan wainak: &#8212;Raboni, tiuwai, (duka arameo chichamnumag: Maestro taku tawai).</div><div class="p"> 17Nuna takug achikta tama Jes&#250;s chichajak: &#8212;Achigkaipa, eke mina Apajuig weatsjai; wet&#225; mina yatsug batsatbaunum nunikam ujakt&#225;: Mina Apaju&#237; weajai, atumnash Apa nui nuigt&#250; mina Apajuig atumnash Apajuigmea nui timae tusam, tiuwai.</div><div class="p"> 18Nu tima Mar&#237;a magdalanmayashkam weuwai, nunik Apu Jes&#250;s wainkamujin nuigt&#250; ni tibaujiya nunash jintintaiji aidaun ujakajui.</div><div class="s">Jes&#250;s jintintaiji aidau wantintukbau</div><div class="r">(Mt. 28.16-20; Mr. 16.14-18; Lc. 24.36-49)</div><div class="p"> 19Nun&#250; tsawantinig tumig kintabaunum, jintintaiji aidauk jud&#237;o ishamainak waitinak epenjag pujuinai, Jes&#250;s ejapen wajant&#250;, nunik ditan kumpamak: &#8212;Apaju&#237; atumnash shiig agkan pujutan amastinme, tiuwai.</div><div class="p"> 20Nuna tusa, uwej&#237; achigbau aidaun nuigt&#250; bijagnum nagk&#237; ijumunash iwaintukui. Nunitai jintintaiji aidaushkam Apu Jesusan wainkag shiig aneasajui. 21Dutika Jes&#250;s awentsag: &#8212;Apaju&#237; atumnash shiig agkan pujutan amastinme. Mina Apag awetiuwa dutiksanuk atumnash awemajime, tiuwai.</div><div class="p"> 22Nuna tusa ditainini suut umpuiniuwai, dutika: &#8212;Wakan&#237; Pegkeji jukitajum. 23Atum ju nugka jui tsagkujashbauk, nayaimpinmashkam tsagkugnagchatnai. Untsu atum ju nugka juish tsagkujamuk nayaimpinmashkam tsagkugnagtinai, tiuwai.</div><div class="s">Tom&#225;s dekaskeapi tichamu</div><div class="p"> 24Tujash Tom&#225;s doce aina nuiya Jimagmamu tutaya duka, Jes&#250;s wayauwa nuig atsau asa wainkachui. 25Nuniku asamtai tikich jintintaiji aina nu: &#8212;Apu Jes&#250;s wainkamji tuidau. Tama ni chichaak: &#8212;Wika uwejin clavowai achijagmaya nuna wainkan tsajam uwejuish inujuan diigtsukek nuigt&#250; bijagnum ijuagmaya nunash inujuan dekaptsukek dekaskeapi tumaitsujai, tau.</div><div class="p"> 26Ocho tsawan nagkaemakiu ai, jintintaiji aidauk makichik jeganum atakt&#250; ijunjajui, nuanuig Tomasash pujau. Waitinak shiig epenag batsataig, Jes&#250;s ejapen wajant&#225; kumpamak: &#8212;Apaju&#237; agkan pujutan atumnash amastinme, tiuwai.</div><div class="p"> 27Nuna tusa Tomasan chichajak: &#8212;Jui tsajam uwegmin inuata, dutikakum mina uweg aina nu diist&#225;; uwejum itant&#225; nunikam mina bijagjui inuata. &#161;Dekaskeapi tuchauk aipa, dekaskeapi tinu at&#225;! tiuwai.</div><div class="p"> 28Tama Tom&#225;s senchi chichak&#225;: &#8212;Mina Apujuh, amek mina Apajuijuitme, tau.</div><div class="p"> 29Tutai Jes&#250;s ayaak: &#8212;Tomasah yamai mina waitkaum dui, dekaskeapi tujutme. &#161;Mina waitkachuitak dekaskeapi tujutiu aina nu shiig aneasagtinai! tiuwai.</div><div class="s">Wagka ju papish agagbauwaita nu pachisa tibau</div><div class="p"> 30Jes&#250;s aents aidau dutikmainchaun ash&#237; iwainag niina jintintaiji aidaush wainainamunum takasua duka, ash&#237; ju papinumag agagchamui. 31Nuniaig juka: Atumesh Jesusak, Cristo Apaju&#237; Uchijimpapita, tusajum dekaskeapita takujum, pujut tuke atina nu jukimnujum, tusan agatjime.</div>
 </div>
 </div>
</div>

Tumig tsawaju ai, María magdalanmaya kashikmas, suwe aig Jesús ukusbaunum weuwai, nunikmá kaya aputukbau ekekam atatman wainkauwai; nunik tupikaki, Simón Pedro tikich Jesusa jintintaiji anetaijiya nu pujamunum weuwai, nunik jegawag: —Iina Apujin ukusagma nunak jukiaje, tujash dekatsji tuwig ukusaje, tusag ujaidau.
Tusa ujakajam Pedro tikich Jesusa jintintaijiya nujai ukusbaun diisagtatus weajui. Nunik mai tupikaidau, tujash tikich jintintaiya nu Pedro nagkaesau tupikau asa, niiyá eemak Jesús ukusbaunum jegantui; nunik tekená diikmá, imá jaanchnak wainkauwai, tujash nigka wayachui. Nuniai Simón Pedroshkam niina ukujin tantauwai, nunik Jesús ukusbaunum wayaa, diikmá imá jaanch aidauk atatman wainkauwai, nuigtushkam Jesusa buuké jaanchi pempenjamu ajakua duka, iyashí pempeagbauwa nujaig ijunag achau, kanaká pempeajam tepaun wainkauwai. Nuniai tikich jintintai ukumatainum eemak tantauwa dushakam wayauwai, nunikmá wainak, dekaskeapi tiuwai. Ditak Apajuí chichamen agagbaunum: Jesusak maamash ataktú nantaktinai tibauwa nunak anenachu. Nuna dutika diisag jintintaiji aina duka ditá jeen wakitkiajui.


Tujash Mariak agaa Jesús ukusbaunum buutú wajau; nunik buutkabaikia Jesús ukusbaun tekenas diikmá, jimag ángel pujun nugkuaju aidau Jesusa iyashí ukukbau aajakua nui chaiknum makichik eketai, tikich dawenmanini ekeemtatman wainkauwai. Dutikam ángel aidau iniinak: —Nuwah, ¿wagka buutme? Tau. Tama ni ayaak: —Mina Apujun jukiaje, tujash tuwig ukusaje nuna dekachu asan butjai, tiuwai.
Nuna tusa ayampakmá Jesús nui wajattaman wainkauwai, tujash dekaachui niimpapita tusag. Nunitai Jesús iniak. —Nuwah, ¿wagka buutme? ¿Yaa egame? tau.
Tama nigka, ajak ajakbauwa nuna kuitamnuskaitai tau asa: —Apuh, ame jukiuwaitkumek, tuwí ukusmaume nu ujatkata, wi jukitjai, tau.
Tutai Jesús ayaak: —¡Mariah! tiuwai. Tama ayampatua diikmá Jesusan wainak: —Raboni, tiuwai, (duka arameo chichamnumag: Maestro taku tawai).
Nuna takug achikta tama Jesús chichajak: —Achigkaipa, eke mina Apajuig weatsjai; wetá mina yatsug batsatbaunum nunikam ujaktá: Mina Apajuí weajai, atumnash Apa nui nuigtú mina Apajuig atumnash Apajuigmea nui timae tusam, tiuwai.
Nu tima María magdalanmayashkam weuwai, nunik Apu Jesús wainkamujin nuigtú ni tibaujiya nunash jintintaiji aidaun ujakajui.


Nunú tsawantinig tumig kintabaunum, jintintaiji aidauk judío ishamainak waitinak epenjag pujuinai, Jesús ejapen wajantú, nunik ditan kumpamak: —Apajuí atumnash shiig agkan pujutan amastinme, tiuwai.
Nuna tusa, uwejí achigbau aidaun nuigtú bijagnum nagkí ijumunash iwaintukui. Nunitai jintintaiji aidaushkam Apu Jesusan wainkag shiig aneasajui. Dutika Jesús awentsag: —Apajuí atumnash shiig agkan pujutan amastinme. Mina Apag awetiuwa dutiksanuk atumnash awemajime, tiuwai.
Nuna tusa ditainini suut umpuiniuwai, dutika: —Wakaní Pegkeji jukitajum. Atum ju nugka jui tsagkujashbauk, nayaimpinmashkam tsagkugnagchatnai. Untsu atum ju nugka juish tsagkujamuk nayaimpinmashkam tsagkugnagtinai, tiuwai.

Tujash Tomás doce aina nuiya Jimagmamu tutaya duka, Jesús wayauwa nuig atsau asa wainkachui. Nuniku asamtai tikich jintintaiji aina nu: —Apu Jesús wainkamji tuidau. Tama ni chichaak: —Wika uwejin clavowai achijagmaya nuna wainkan tsajam uwejuish inujuan diigtsukek nuigtú bijagnum ijuagmaya nunash inujuan dekaptsukek dekaskeapi tumaitsujai, tau.
Ocho tsawan nagkaemakiu ai, jintintaiji aidauk makichik jeganum ataktú ijunjajui, nuanuig Tomasash pujau. Waitinak shiig epenag batsataig, Jesús ejapen wajantá kumpamak: —Apajuí agkan pujutan atumnash amastinme, tiuwai.
Nuna tusa Tomasan chichajak: —Jui tsajam uwegmin inuata, dutikakum mina uweg aina nu diistá; uwejum itantá nunikam mina bijagjui inuata. ¡Dekaskeapi tuchauk aipa, dekaskeapi tinu atá! tiuwai.
Tama Tomás senchi chichaká: —Mina Apujuh, amek mina Apajuijuitme, tau.
Tutai Jesús ayaak: —Tomasah yamai mina waitkaum dui, dekaskeapi tujutme. ¡Mina waitkachuitak dekaskeapi tujutiu aina nu shiig aneasagtinai! tiuwai.

Jesús aents aidau dutikmainchaun ashí iwainag niina jintintaiji aidaush wainainamunum takasua duka, ashí ju papinumag agagchamui. Nuniaig juka: Atumesh Jesusak, Cristo Apajuí Uchijimpapita, tusajum dekaskeapita takujum, pujut tuke atina nu jukimnujum, tusan agatjime.

Listen to (Evangelio según San Juan) 20