Di Jamiekan Nyuu Testiment 2012 (Drama NT)

<div class="version vid476 iso6393jam" data-vid="476" data-iso6393="jam">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Jan di Baptis Ded</div><div class="r">(Maak 6.14-29; Luuk 9.7-9)</div><div class="p"> 1Da taim de, Erad we ruul uova Gyalalii, ier bout di sitn dem we Jiizas did a du, 2an so im se tu im sorvant dem se, &#8220;A Jan di Baptis dis ya. Im ded an kom bak alaiv! An siek-a dis, im av powa iina im fi wok mirikl.&#8221;</div><div class="p"> 3Kaaz a Erad did ares Jan, chien im op an dash im iina prizn siek-a Eruodiyas, we did marid wan taim tu im breda, Filip. 4Jan did tel Erad uova an uova se, &#8220;It no rait fi yu marid Eruodiyas &#8212; yu a brok di Laa.&#8221; 5Iivn duo Erad did waahn kil Jan, im did fried a di piipl dem, kaa dem did tek Jan fi wan prafit.</div><div class="p"> 6Bot a Erad bortdie paati, Eruodiyas daata did daans fi Erad an im ges dem an dat did mek im api. 7Im did so api im mek wan pramis, an swier se im wi gi ar eniting shi waahn. 8Ar mada push ar fi se, &#8220;Gi mi Jan di Baptis ed pan wan pliet!&#8221; 9Di king did sari wen im ier dat, bot kaa im did mek big pramis infronta im ges dem, im tel dem fi gi ar wa shi aks fa. 10So im sen an mek dem kot aaf Jan ed iina di prizn. 11Dem bring im ed pan wan pliet gi di likl gyal an shi tek it gi ar mada. 12Den Jan falara dem kom tek di badi an go beri it an den go tel Jiizas.</div><div class="s">Jiizas Fiid uova Faiv Touzn Piipl</div><div class="r">(Maak 6.30-44; Luuk 9.10-17; Jan 6.1-14)</div><div class="p"> 13Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de. 14Wen Jiizas kom outa di buot, im si di iip a piipl dem, an did fiil sari fi dem an im mek aal a uu did sik fi dem get bak beta.</div><div class="p"> 15Wen it did a kech iivnin, im speshal falara dem go tu im an se, &#8220;Nobadi no liv ya-so an it a get liet nou. Sen we di piipl dem so dem kyan go iina di toun dem we nier ya-so an bai sitn fi nyam.&#8221;</div><div class="p"> 16Bot Jiizas ansa dem se, &#8220;Dem no niid fi go no we. Unu gi dem sitn fi nyam!&#8221;</div><div class="p"> 17Dem se tu im se, &#8220;A onggl faiv bred an tuu fish wi av ya-so yu no.&#8221;</div><div class="p"> 18&#8220;Bring dem kom gi mi,&#8221; Jiizas se tu dem. 19Den im tel di piipl dem fi go sidong pan di graas. Im tek di faiv bred an tuu fish an im luk op iina di skai, gi tangks an brok op di bred dem. Im gi im falara dem, an dem tek it gi di piipl dem. 20Evribadi nyam til dem beli ful, an Jiizas falara dem tek op wa lef uova an ful op twelv baaskit. 21Bout faiv touzn man did nyam fuud, an wi naa kount uman an pikni.</div><div class="s">Jiizas Waak pan Waata</div><div class="r">(Maak 6.45-56; Jan 6.15-21)</div><div class="p"> 22Siem taim, Jiizas mek im speshal falara dem go iina di buot an go baka di neda said til im kom. Im tan bak an sen we di piipl dem. 23Afta im don sen we di kroud, im go op a di mountn go prie, im wan. Iivnin kom dong an a im wan did de de. 24Az fi di buot, bai nou dat did de wie out iina di sii, faar fram lan an di wiev did a bata-bata it, kaa di briiz did a bluo gens dem.</div><div class="p"> 25Wen die did suun lait, Jiizas kom tu dem a waak pan di waata. 26Wen im falara dem si im a waak pan waata, dem aat kech a dem mout an dem se, &#8220;A dopi!&#8221; Dem staat baal out di wie dem fried.</div><div class="p"> 27Bot siem taim Jiizas se tu dem se, &#8220;Unu tek aat! A mi, man. No bada fried.&#8221;</div><div class="p"> 28Piita ansa bak, &#8220;Laad, ef a riili yu, tel mi fi waak pan di waata kom tu yu.&#8221;</div><div class="p"> 29So Jiizas se, &#8220;Kom!&#8221;</div><div class="p">Piita kom outa di buot, waak pan di waata an a go tu Jiizas. 30Bot wen im si ou chrang di briiz did a bluo, im kech im fried an staat singk. Piita shout out, &#8220;Woi! Siev mi Laad! Siev mi!&#8221;</div><div class="p"> 31Siem taim, Jiizas chrech out im an an kech Piita. Im se tu im se, &#8220;Ai, wat a likl bit a chos yu put iina mi! Wa mek yu staat wanda, iihn?&#8221;</div><div class="p"> 32Wen dem go iina di buot di briiz did tap bluo. 33Den di wan dem we did de iina di buot go dong pan dem nii an priez Jiizas a se, &#8220;Fi riil, yu a Gad pikni!&#8221;</div><div class="p"> 34Afta Jiizas an im speshal falara dem kraas di liek, dem tap a wan plies niem Genesaret. 35Di piipl dem fain out se a Jiizas did de mongks dem, an dem sen wod tu evribadi we liv nier we dem did liv, an dem bring aal a uu sik fi dem kom. 36Dem beg im fi jos mek dem toch di en a im kluoz, an evribadi we du dat get beta.</div>
 </div>
 </div>
</div>

Da taim de, Erad we ruul uova Gyalalii, ier bout di sitn dem we Jiizas did a du, an so im se tu im sorvant dem se, “A Jan di Baptis dis ya. Im ded an kom bak alaiv! An siek-a dis, im av powa iina im fi wok mirikl.”
Kaaz a Erad did ares Jan, chien im op an dash im iina prizn siek-a Eruodiyas, we did marid wan taim tu im breda, Filip. Jan did tel Erad uova an uova se, “It no rait fi yu marid Eruodiyas — yu a brok di Laa.” Iivn duo Erad did waahn kil Jan, im did fried a di piipl dem, kaa dem did tek Jan fi wan prafit.
Bot a Erad bortdie paati, Eruodiyas daata did daans fi Erad an im ges dem an dat did mek im api. Im did so api im mek wan pramis, an swier se im wi gi ar eniting shi waahn. Ar mada push ar fi se, “Gi mi Jan di Baptis ed pan wan pliet!” Di king did sari wen im ier dat, bot kaa im did mek big pramis infronta im ges dem, im tel dem fi gi ar wa shi aks fa. So im sen an mek dem kot aaf Jan ed iina di prizn. Dem bring im ed pan wan pliet gi di likl gyal an shi tek it gi ar mada. Den Jan falara dem kom tek di badi an go beri it an den go tel Jiizas.


Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de. Wen Jiizas kom outa di buot, im si di iip a piipl dem, an did fiil sari fi dem an im mek aal a uu did sik fi dem get bak beta.
Wen it did a kech iivnin, im speshal falara dem go tu im an se, “Nobadi no liv ya-so an it a get liet nou. Sen we di piipl dem so dem kyan go iina di toun dem we nier ya-so an bai sitn fi nyam.”
Bot Jiizas ansa dem se, “Dem no niid fi go no we. Unu gi dem sitn fi nyam!”
Dem se tu im se, “A onggl faiv bred an tuu fish wi av ya-so yu no.”
“Bring dem kom gi mi,” Jiizas se tu dem. Den im tel di piipl dem fi go sidong pan di graas. Im tek di faiv bred an tuu fish an im luk op iina di skai, gi tangks an brok op di bred dem. Im gi im falara dem, an dem tek it gi di piipl dem. Evribadi nyam til dem beli ful, an Jiizas falara dem tek op wa lef uova an ful op twelv baaskit. Bout faiv touzn man did nyam fuud, an wi naa kount uman an pikni.


Siem taim, Jiizas mek im speshal falara dem go iina di buot an go baka di neda said til im kom. Im tan bak an sen we di piipl dem. Afta im don sen we di kroud, im go op a di mountn go prie, im wan. Iivnin kom dong an a im wan did de de. Az fi di buot, bai nou dat did de wie out iina di sii, faar fram lan an di wiev did a bata-bata it, kaa di briiz did a bluo gens dem.
Wen die did suun lait, Jiizas kom tu dem a waak pan di waata. Wen im falara dem si im a waak pan waata, dem aat kech a dem mout an dem se, “A dopi!” Dem staat baal out di wie dem fried.
Bot siem taim Jiizas se tu dem se, “Unu tek aat! A mi, man. No bada fried.”
Piita ansa bak, “Laad, ef a riili yu, tel mi fi waak pan di waata kom tu yu.”
So Jiizas se, “Kom!”
Piita kom outa di buot, waak pan di waata an a go tu Jiizas. Bot wen im si ou chrang di briiz did a bluo, im kech im fried an staat singk. Piita shout out, “Woi! Siev mi Laad! Siev mi!”
Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”
Wen dem go iina di buot di briiz did tap bluo. Den di wan dem we did de iina di buot go dong pan dem nii an priez Jiizas a se, “Fi riil, yu a Gad pikni!”
Afta Jiizas an im speshal falara dem kraas di liek, dem tap a wan plies niem Genesaret. Di piipl dem fain out se a Jiizas did de mongks dem, an dem sen wod tu evribadi we liv nier we dem did liv, an dem bring aal a uu sik fi dem kom. Dem beg im fi jos mek dem toch di en a im kluoz, an evribadi we du dat get beta.

Listen to Matyu 14